انحب على المظلوم         گلـــبــي وتــفــطـر
مات بسجن مسموم         مـوسـى بــن جـعفر


الك ياگلبي مرخوص         الـــدمــع والـــنــوح
لان مــجـروح انــتـه         وتــبچي عـالـمجروح
عـنده امـن الـسجن         ما بقت مهجه وروح
لان كــــل الــصـبـر         شـفته بخجل مذبوح

يـاگلـبي والـدمـعات         مـــن تـــبچي هـلـها
لـجل الغريب المات         وامــفــارگ أهــلــه


عـلى جـروح الـصبر         بـــدمــوع سچابــــه
انـــعـــه الــكــاظـم         و ذكــرنــي بـغـيـابه
يــاگلــبـي بـــحــزن         و بـــنـــار لــهــابــه
خــلـي تــنـوح كـلـها         الــلــيـلـه احــبــابـه

وبـدمـعـة الاحـــزان         خــلــيــهـا تـــنــعــه
عـالكاظم المسموم         تــــسچب الـدمـعـه


كـبـر جـرح الـشهاده         بـطـيحت الـمـظلوم
ونـزف صدر الكرامه         وبگلـــــب مــالــوم
عـلى الـطاح بسجن         وبـلوعه شاف هموم
يـاگلبي وحـياته امـن         انــتـهـت مــسـمـوم

يـاگلـبي والـمـظلوم         تـــعــرف صــفــاتـه
والـباري يـعرف زين         ســـيـــرة حــيــاتــه


دمـــعــك يـــاگلــب         ودمـوع هـاي الـناس
خـلـيـهـن يــصـيـرن         لــلــوفـه مــقـيـاس
مــشـاعـر صــادقـه         لـلـكاظم وأحـساس
مـثـل سـاعـة وفــاء         وغــيــرة الــعـبـاس

يـبقه الـصبر مقياس         أخـــــذه وســجــيـه
وعالكاظم المسموم         واســـــي الــزچيــه


يـظل جرح المصاب         ولــوعــة الأحـــزان
تــتـجـدد يــمـوسـى         امـن أذكـر الـسجان
لأن صــبـرك صــبـح         لـهـل الـصبر عـنوان
وجــروحــك هــويـه         أنـعـلي بـيها الـشان

مـاننسه جـرحك يوم         والــجــره وصــابـك
وتـجـدد بـكـل حـيـن         جـــمــرة مــصـابـك