فــوﮒ الـتـراب بـهالشمس مـطروح         شـيـبـتـني يــــا مـهـجـتي و الـــروح
أمـك عﮕب فـرﮔاك يـالولد وين تروح         ﮔِلـي شـرد جـواب لـو لِـفت تنشدني



ونــيــنـك يَــنــور الــعـيـن مــاذيـنـي         بــطــل ونــيـنـك يـــا ضــيـا عـيـنـي
مــا بـيـن هـالـعدوان وحـدي تـخليني         مـحتار بـين أشـرار مـن بـعدكم يَبني



و فـــوﮒ الـوطـيـة بــدمـك مـغـسل         و إنــتــه يــابـويـه شــــاب ومــدلـل
لا تـجذب الـونات جـسمي ترى تنحل         رد الـجـواب انﭽان تﮕدر تـحاجيني



غــــارﮒ بــدمــك ﭼيــــف تـتـخـلـى         و فـــوﮒ الـتـرايـب يـــا عـلـي والله
عـلى ضـجة الـنسوان يَبني يعين الله         ﭼان رجـعـت عـنـك لـيـلى تـطـالبني



فــتـح عـيـونـه و الﮕلـلـب مـفـتوت         ﮔلـــه و هــو بـنـزف الـدمـا مـبـهوت
ودني الخيم يا ياب عند الحريم أموت         خـل الحزينة تشوف حالي و تودعني



ﮔلـــه يـــا بـعـد الــروح مــا تـنـشال         لـيش جـسمك مﮕطع يالعزيز أوصال
للخيم يَبني شلون توصل بهاي الحال         ﮔلـه اجـمع أوصـالي و ابـردتك لِـفني