حي احسين بﮕطعة نحره=لاوالله ماتمحي ذكره يَامَن ضَد الهادي وشرعه=كِد كيدك يالظالم واسعى لوضَيَﮕت علينه الوسعه=صوت الحق بالعالم أسره حي حسين وذﭼره القائم=وميت كل طاغوت وظالم واهِم خَل تِعْرُف يَاوَاهِم=وحده الباري ليظهر أمره ثوره وبالمبدأ مرويه=حملت كل معنى الحُريَه هذا صوت الإنسانيه=تِتْوَطن بالنفس الحُرَّه كِلمن ضَد احسين وشانه=إسأل عنه وعن سلطانه وين يزيد وكل اعوانه=اْجْهَنَم مِن عِدْهُم تِتْبَرَّه وين المنصور وكل ظُلْمَه=ﮔبر حسين يريد ايْهدمَه وينه صار وإسمه وحُكْمَه=وﮔبر حسين الجنه الكُبره عن هارون إسأل من قرر=يهدم قبر الدامي المنحر رايد يطفي النور الأزهر=ويتحدى خلاق القدره والمتوكل وينه صاير=واسأل عَنِّ الماي الحاير إسأل ﭼم ذَبَّح من زاير=يذبح واحد تﮕصد عشره ﮔالوا كل زاير لو رايد=يَم حسين بضَعْنَه ﮔاصد يدفع مال وكلما حاصد=واْدْفَعْنا من الجوهر دُره ﮔالوا كل زاير له كُلْفه=رسم زياره اليوم تكلفه من إيده خل نﮕطع ﭼفَّه=وكلمن قَدَم ﭼفه وعُمره مو بس ارواح لقدمنه=شنهي الروح وشنهو دمنه حسين ومن يومه تعلمنه=بالإيمان تكون النُصْرَه شوف الطف واعرف شالغايه=الله لرافع بيها الرايه لحسين الدنيا مشايه=واملاك الله تطوف بﮕبره بالترهيب اشما فَجْرُوْنَه=لاوالله حاشى يمنعونه فدوى لحسين يذبحونه=وكل الدنيا طوعه وأمره ﮔوم اللي ظنت تثنينه=عَنِّ احسين وتذبح بينه تِهدمنه .. وعاشر يبنينه=والموعد للدين وحشره وكل فتوى بينا تفتيها=باﭼر خل تعرف تاليها بس هوه المهدي يصفيها=وين تفر من سيفه الزُمره