ممدوح من ذات الإله صعب على الشعر يوقف بباب المرتضى مداح=حيث المادحه الخلاق صعب الخلق يمدحونه رب الطهر في كتاب الطهر طهر أبو الأطار=والطاهر بالمنجس أبد ميصير يطهرونه مزكى من إله الكون ومن طه أبو السبطين=يحتاج الى المثلي بكم من حكاية يزكونه ؟ إذا شفتو القمر ليلة ارباتعشر يهالعقال=والدنيا صحو بلا غيم كيف انتو توصفونه ؟ وإذا شمس الضحى ارتفعت بأيام الخريف شلون=يجيبو عاقل مفتح بعد بيها يدلونه ؟ وما هو عبث إنت تقول والله خوش لولوة=إلى واحد حمل دانة بإيده وشافها بعينه ؟ أمير النحل هو المدح أصلا للذي يمدحون=وهو الذي يخلد ذكر كلمن جو يذكرونه ولا منة على حيدر إلى اللي يكتبون اشعار=إلى حيدر ترى الكتاب والأشعار ممنونة ولا يزداد حيدر فخر بالشعر الذي يقولون=بحيدر يفتخر شعر الذي بحيدر يقولونه ولو كان الشعر مثل الخرابيط اللي أكتبها=بعد يفتخر حيث المرتضى حيدر بمضمونه وإذا واحد سمع حكيي وسألني عنده استغراب=ليش انت عجل تمدح إبن عم طه ويمينه ؟ أقول بكل بساطة ما مدحته يالذي تسأل=علي ممدوح من ذات الإله وطيب تكوينه علي ممدوح من آدم أبونا وأمنا حواء=ولو لا المرتضى لا نخلقت امنا ولا نخلق بونا علي ممدوح اسمه في سفينة نوح بالإثبات=ولو لا اسم حيدر كان غرقت ذيك السفينة مدح حيدر خليل الله حين اللي نرمى في النار=ولولا مدحه ما يحترق حبل كتافه من دونه علي ممدوح من موسى كليم الله وأخوه هارون=ولولا هو غرق موسى بنهره وراح هارونه بسم حيدر ولي الله عصى موسى استوت ثعبان=ولولاه ما عبر موسى الشط وغرق فرعونه علي أهل الكهف مدحوه حين تغلق عليهم=باب الصخر وإلا كان هم شلون يزيحونه علي ممدوح من يوم النبي يوسف دخل سجنه=ولو لا ذكر حيدر كان يوسف مات في سجونه علي ممدوح يوم اللي رجع يوسف إلى يعقوب=ولولا المرتضى يعقوب ابد ما ترجع عيونه علي ممدوح من ذي النون يوم صار بالظلمات=ولو لا مدح حيدر ما طلع ذو النون من نونه علي ممدوح يوم انولد في الكعبة وافتخرت بيه=ولا قدر الباري غيره في الكعبة يولدونه علي ممدوح يوم اللي على فراش النبي بيت=ودخلو له بمواضيهم ولا قدرو يصيبونه علي ممدوح يوم اللي النبي دون الخلق آخاه=وكلهم كان في ودهم لو الهادي يآخونه علي ممدوح في وقعة بدر يوم قتل شيبة=وعتبة والوليد وخلى هند تصير مجنونة علي ممدوح في يوم احد يوم الدارت الكفار=على الهادي وغير المرتضى ماحد وقف دونه علي ممدوح في خيبر إمامي اللي قتل مرحب=ولولا علي باب الحصن عين وعين ويا عين يفتحونه وما واحد زمط منهم تناول راية الإسلام=إلا ورجع بيها خوف وراعيها يعرفونه علي ممدوح في وقعة الخندق واسأل التأريخ=لو لا المرتضى عمرو بن ود هل كيف يغلبونه ثلاث مرات ابو ابراهيم يصيح آنا اضمن الجنة=وبس حيدر يلبي والصحابة بس يسمعونه وجدل لبن ود والمصطفي يناديه الله يقول=هالضربة بأعمال الخلق للحشر موزونة برز الإسلام كله للشرك كله الهادي يقول=وتاليها على كل الإسلام الشرك يقدمونه علي ممدوح يوم ردت الشمس اله دون الناس=مرضي المصطفى يصلون والكرار يخلونه علي ممدوح يوم زوجوه بنت النبي فاطم=وغيره مارضو ست النسا فاطم يزوجونه علي ممدوح يوم اللي النبي باهل بني نجران=نفس المصطفى حيدر ولا يقدرون ينكرونه علي ممدوح في المسجد في يوم النبي يسد لبواب=بس بابه يظل مفتوح عالمسجد يتركونه علي ممدوح يوم في صلاته تصدق بخاتم=ونزلت فيه آية وحيف مارضيو يوالونه وغيره بأربعين تصدق وما نال منها فود=ولو يملك الدنيا وبيها يتصدق يردونه علي ممدوح في يوم الغدير ابأمر من الله=على كل الخلايق صاحب البيعة يأمرونه ولو أوقف أعدد في فضايل سيدي الكرار=ما أقدر أوفي عشر معشار التعرفونه ولو تجتمع كل الإنس ويا الجان والأملاك=طول الدهر يمدحون بعلي هيهات يوفونه وعند اهل العقل والذات والإنصاف والذمة=إذا واحد ذكر أعذار مقبولة يعذرونة وانا بذكر بعض أعذاري في ذكر الوصي حيدر=وأعذاري بضمان أهل العرف والدين مقرونة ما أقصد أزيد الفخر حيدر فخر بشعاري=أنا اذكر سيدي حتى تصير اشعاري مزيونة ولو أكتب بأصناف الشعر ما اظن احد يقراه=وبس اكتب اسم المرتضى بشعري الناس يقرونه نظمت اشعار كثرة وما شفت واحد جا يطلبها=وبس انظم شوية عن أبو زينب يطلبونه قلت أشعار محلاها ولا واحد جا يسمعها=وبس أذكر اسم حيدر اجو يبغون يسمعونه وأبوي ورث من أجداده حب حيدر وورثني=وأمي شفتها بحب الوصي الكرار مجنونة وإذا كان الجنون بحب علي الشيد اركان الدين=هلا وكل الهلا ويا مرحبا بلجنون وفنونه وحب المرتضى مفروض من الله على الأكوان=والصاحي من الغشيش بحب أبو اليمة يميزونه ومن صغري وقلبي ممتلي بحب الوصي حيدر=كلما طال عمري للوصي حبي يزيدونه وإذا قلبي بحب المرتضى مشحون من صغري=هالحب الجديد الجاي بالله وين يودونه ؟ قلت بالشعر بافرغ أنا شوي من قليبي=وفي قلبي لو يصير شوي فضا بحب علي يشحنونه وعلي صنو النبي هو قسيم النار والجنة=وفي جهنم مخلد الله كل اللي يجحدونه وأنا واليت حيدر سيدي من عالم التكوين=وأبواب الجنان مفتحة للي يوالونه بس مذنب أن وعاصي وأخاف اخسر بيوم الفوز=وجيت بنظمي من حيدر إمامي أطلب العونة إمامي منجي العذراء وأولاده أواليهم=ومن يوالي هل العصمة من جهنم ينجونه وهم قالو من يقول الشعر فيهم ولو بس بيت=لوجه الله من الله له الجنات مضمونة يا زوج البتول الزاكية خادمكم وأنخاك=ولا ظنيت طرفة عين خادمكم تخيبونه خادمكم وبيكم عاقد الآمال والآمال=وآنا معتقد هيهات انتو تخيبو ظنونه يخاف من ابو مرة على ثباته في اعتقاده بكم=في وقت الممات يريدكم إنتو التحضرونه وكان تخففون عليه وناته وسكراته=وتنظرون له برحمة وعطف وتغمضو عيونه وإذا مدوه للتغسيل ياللي غسلت سلمان=يتمناكم انتو اللي تقلبونه وتكفنونه وإذا شالوه أحبابه وأهل ديرته على الشيال=بذكر الله والتهليل وياهم تشيعونه وفي حال الصلاة انتو عليه صلو واذا شالوه=وودوه للقبر وياهم انتو اللي تنزلونه وإذا هالو عليه الترب وراحو عنه احبابه=وظل وحده في دار الوحشة يرجوكم تأنسونه وإذا نادا المنادي قوم للميزان يالعاصي=خادمكم نخاكم يبو اليمة لا تخلونه حيث هناك كل الناس عن الناس مذهولة=ولا ماله ولا قومه ولا عياله ينفعونه وحتى والديه ما يعرفونه بعرصة المحشر=بس انتون يا مولاي خادمكم تنقذونه وعنده أمل لازم يدخل الجنات بحماكم=ويلوذ براية الهادي ومن الكوثر تروونه