قمر سعدي الدنيا ما=اظلمّت بعيني من جنيته نور وجناته أوجّد=بيه دربي لو عميته فوق صدري القمر=غمّض نجمتين و كمّطيته نام يبني آنه هاي=الليل سهرانة طويته وسط قلبي افْرَشِتلك=مهدك و بضلاعي حميته لجن خوفي تزعجك=دقات قلبي اللي اسكنيته يا حبيبي اشعاد لو=قلبي عشانك وقفيته انته روحي و الهوى=الأتنفسه و عمر القضيته انته غصن المِن نمير=احشاي غذيته و سقيته لجن مدري هجس فكري بسواد الليل أظن يبني الدهر مني يهد الحيل بسهم فرقاك يضيع ارباك و اصيح بويل يبعد الروح خنقني النوح و دمعي يسيل يوليدي مدري هالليل لكشر=اشيخفي ابظلامه لو صبحه اسفر حلم الحلمته و تعب التعبته=و كل الذخرته جني فقدته هذي العساكر حاصرتنه وسدّت البر و جن المنايا طيور فوق اخيمنا تفتر و جن العطش في قلبك توجّر=و جن صدري امن اللبن ما در مدري شتاني احسها رزية=امنين اجتني هالغاضرية اطلَعَت من خيمتها=و الدمعات منها ساجمة و الرضيع اعله صدرها=ايلوج من حرّ الظما التفتت و لن حرمة=يم باب الثنية املازمة اتنوح مكسورة الخاطر=و الصدرها لاطمة صاحت ام الطفل=يا زينب اجيتج لايمة هذا طفلي يلوج ظامي=وين ابن حامي الحما صاحت الحرمة يحرّة=آني امه فاطمة جيت أتفقّد العيلة=و بالمصايب هايمة دنت أم الرضيع و هملت الدمعة عطش طفلي شعب دلالي يالبضعة و صدري جف و حِرِتْ بيه مقدر آرضعه بجت أم الحسن و اختنقت بلوعة و اتناولتّه امن ايدين أمه=و شمّت وريده و ظلت تضمه و صاحت يأمه تنحرمي منه=المحسن اوليدي ينطره بالجنة طفلج يظل عطشان متلظّي يحرّة و نبلة عدو تسقيه باجر دمّ نحره ايرفرف اجفوفه و يمزع البردة=و ابنحر لحسين يشبج ابإيده طفلج يحرة يذكرني بمصاب=طفلي التعفّر يم عتبة الباب تاه مني الراي و اخذيت=الطفل لابن الزجية يبو اليمة خل يموت=الطفل بيدك مو بِدَيّه مقدر انظر مولحت عينه=امن الظما و احشاهْ لظيّة حمل طفله و ضمه الصدره=و شهق شهقة شجية لفت بالي قطرة وقعت=من ادموع ابن الزجية فوق خد الطِفْلْ و لنّه=يشوبح بعينه لَبَيّه ميّل السانه لخدّه=ظنّته قطرة امّية و شفت حاله غوركت=عيني و زاد النوح بيّة الى العسكر حِمَل طفله و مشى بدربه يحاجيهم رضيعي قولوا اشذنبه انظروه امن العطش جيف استعر قلبه اذا عدكم رحم دسقوا الطفل شربة وبن سعد نادى لبّو المظلوم=و اسقوا رضيعه من نحره ادموم يا حرملة عاين نحر طفله=خذ قوسك و صوّب بيه نبلة صوّب بسهمه النحره و مزّق وريده و الطفل فج عينه لبوه و رفرف ايده و من دمّه شالِ وللسما ذبّه=صاح و تزفّر وينادي ربّه ربي تقبّل مني القربان=و انته الشاهد اعله العدوان