أخت الشهيد آنا أخت الشهيد آنا=تركني حسين حيران عليل وهالحرم وأطفال=وأعاني ابضيم عدوانه آنا مخدرة حيدر أبو الحسنين=فگدت ابكربلا يا ناس عزّ سنين ترد ديچ الجلاله للحريم احنين=الدهر سَدَد سهامه وصاب وليانه چنت بيام خدري من اگول انزور=گبر جدي أبد ما يبگى مشعَل نور ما ظنيت بينا هالزمان ايدور=حرم وأطفال دون استار خلانه اسألوا من المدينه على الظعن من شال=كِثر رايات وسيوف أو حمل ورجال مِن الهودج يميل اتگوم بيه أبطال=مِثل ركب الملوك إبجاه ممشانه وصَلنا الغاضرية وحاط بينا الگوم=شِفت طير المنايا على الرجال ايحوم بَعد ساعه ارتوت أرض الفرات ادموم=ومِن دم الشباب الفاض حِنانه گضوا حگ العَليهم جملة الأنصار=وتفانوا للشهادة كِل هَلي الأخيار وظل مفرود حاير صفوة الأظهار=أوصاني ابحريمه حسين مولانه أصِد عَ المشرعه العباس ظل نايم=وبالخيمه الضمايه الأكبر وجاسم وروح الزهره وحده وحاطته الوادم=سَهم عبدالله طفله زاد بلوانه أچدم مهر أخيّ والزم ارچابه=وسهم يوم المنيه بالگلب صابه ودونه هالمهر رد والدم اخضابه=ظلمه اخلاف أبو السجاد دنيانه مِن تشرب يشيعي اتذكر العطشان=ثلة أيام ضامي مواجه العدوان وگع وانحز كريمه و صار فوگ إسنان=وجسمه بالهجير وسافي أچفانه