تِصد اعلى النَهر عيني يَشيعي مصابي شاجيني=تِصد اعلى النهر عيني حَرم وأطفال عَطشانه=بَطا العباس ما جانَه تِصد اعلى النهر عيني آنا أم الحزن زينب=طلعت من الوطن طيبه مشيت ابعزة أخواني=وصلت الكربلا ابهيبه ومن حَط الرحل بيها=وأنا كِل ساع بمصيبه أبو فاضل طلع بالجود=غاب أو نفسي امديبه يبو فاضل تراك أبطيت=متى ويا ساع اگولن جيت مربيه لا تخليني تِصد اعلى النهر عيني يخوي أم الطفل جتني=تصيح وتجدب الحسره تگول اخذي الطفل عندچ=ولدكم ضنوة الزهره أخبرچ جف لبن صدري=طفل عطشان شِصبره يزينب غربَت عينه=ثمر گلبي خلص عمره إلى العباس همه انروح=گبل عبدالله منا ايروح يحره لا تشعبيني تِصد اعلى النهر عيني لَعِد سور الحرم طبت=اسكينه والدمع هامي يعمي ما تشوف الحال=عطش ما شوف جدامي يعمي انريد منك ماي=نروي كل چبد ضامي يبو فاضل كفو ونعمين=مو انتَ الگلت حامي صاح الراي مو بيدي=عَليّ اعتاب لا اتزيدي لَعينچ لا تحشميني تِصد اعلى النهر عيني لَعِد شيخ العشيره حسين=وگف عباس وسكينه يگِله يا عديل الروح=عبدالله اشبِحت عينه ترخصني يبو السجاد=عليلَك زاد بونينه تحشميني وتريد الماي=ترى حان الوعد حينه حِمل جوده وطلع خيال=ونظر للفاطميه وگال أجيب الماي تانيني تِصد اعلى النهر عيني يجيب من الشريعه الماي=غار او غابت إعلومه حميه ومرجله وشيمه=عضيدي ويا صبح يومه وصل للعَلگمي وخاضه=بَعد ما جال بالحومه گمر هاشم بَعد عيني=عليه الروح ما لومه سالم بس يرد احماي=نموت او ما نريد الماي أريد اجواب يشفيني تِصد اعلى النهر عيني جاها من الفرات اجواب=إهملي ادموع مدروفه كفيلچ عَ النهر نايم=سَهم بالعين أخذ شوفه تمزگ جود أبو فاضل=بعد ما گطعن اچفوفه گمر هاشم يحره اليوم=بالطف صاير اخسوفه مِن صاب العمد هامه=ماله ارجوع لخيامه عَن العباس سأليني تِصد اعلى النهر عيني