نور ونار .. نور ونار = صرخاتك يابو الأحرار ونصر وفدا = و بحر و مدى سهرانه بعيونه الثار *** سيف انتَ ياحسين ولوا = وصبر وعزيمه و إصرار ْ وجسمك يابو اليمّه الْهُوا = قصّر علينا المشوار علمنا كسر الأصفاد = وترويع روح الجلاد وانّ الكرامه الما تروّيها = الدما ذل وعار *** من يوم ياشبل الوصي = الشِلتِ الأهل والأصحابْ وودعت جدّك وامك ال = تنتظر من يوم الباب أسفر نهار التضحية = ورفرفت حمر الألوية والثورة قامت ترسم =ابدمك دروب الثوار *** وفي كربلا يوم التقى = نورك بنار الطاغية ذابت على احدود السيوف = الهاشمية الغاشية وتْفجرت بانوارك = سورة عمّ وتبارك وشمس الهداية الأحمدية = مزقت ليل العار *** ومعذور يا ضنوة علي = الكرار داحي البيبان يالزلزل الله بدمك = اعروش الكفر والطغيان لو صبْغَتْ اعلام النصر = الآهات ودموع الحمر وظل الحزن يكوي القلوب = اللي تحبك بالنار *** ومعذو ر لو كان الهدف = الأكبر نجاة الأجيال لوطاشت اسهام الردى = وشكّتْ انحور الأطفال وسهم المنافق حرملة = صاب الرضيع وجدله ودمّه اعلى صدرك = ينسج اكليل الغار *** ومعذور لو كان الهدف = حفظ الشريعة الهاالناس لو قطّعوا قوم الكفر = كفين اخوك العباس واعلى الصعيد اتقنطر = راسه ابعمود امطبر خجلان من عندك يذب = راسه بلهيب الأوعار *** ومعذور لو كان الهدف = انقاذ دين المصطفى لو شمعة اخيام الهدى = القاسم بلسيوف انطفى يودعك بليلة عرسه = وأمه ابصبرها اتحمسه وتقلّه بيّض وجهي عند = امك يانسل الأطهار *** ومعذور لو كان الهدف = فضح السياسة الغاشمة لو شلت الاكبر منحني = ظهرك امعفر بالدما تكوّر على ارض الميدان = اموذر على اسيوف وزان تنادي على الدنيا العفا = بعدك ياشبْه المختار *** ومعذور لو كان الهدف = مشترى اذنوب الشيعة لو يركب اشقاها اعلى = صدرك واختك ابهالضيعة وبسيف اميّة وسفيان = يذبحك غريب وعطشان ويرفع على راس الرمُح = راسك يا راس الأحرار *** ومعذور لو كان الهدف = حفظ الشرف والناموس لو ظلت اختك في العرا = تنخّيكم اجساد وروس محتاره باطفال وحرم = ونيران تسعر في الخيم وعدوان ما بيهم رحَمْ =وسبي ومذلّة وأكوار