هضموني هضموني=يا بويه هضموني سكنه العزيزه و سلوتك=يا بويه هضموني يابويه شحﭽي لك اشصار بحالي=من ودعتني بويه لا محنه و اثنين و تمر ببالي=يالدللتني بويه حال اليتيمة الضلت بلا والي=ياليتمتني بويه يتموني يتموني=من زغري يتموني ليش انحرم من شوفتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني لمن رجع خيل المهر صديته=بالدماء مخضب بويه بويه و مثل طير الﮕطا اتلﮕيته=الطم و انحب بويه خبرني طاحن يا كتر ناديته=ﭽبد المصوب بويه صابوني صابوني=بالﭽبد صابوني يوم اللي صابو ﭽبدتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني آنا ادري ما تﮕدر يابن حامي الجار=تسمع عتابي بويه ريتك ﭽنت و تعاين بحالي شصار=يكلف مصابي بويه من شبت بوسط الخيم بويه النار=حرﮔت ثيابي بويه ضربوني ضربوني=يا بويه ضربوني لو عاعتنيت بجثتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني يا والدي و ﭽم لوعة لك هدم الحيل=مرت عليه بويه خوف و مصيبة و هضم يا بويه و لين=بالغاضريه بويه جينا احمل سياط العدا و بين الخيل=و اسﮕف بيديه بويه بنتوني بنتوني=و الأثر بنتوني ريتك تعاين طفلتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني اصعب مصيبة الهيجت آلامي=و الﮕلب مفجوع بويه راسك ياخيمة عزتي جدامي=عالرمح مرفوع بويه ﮔبل لعيوني انتحب ﮔلبي الدامي=دم يبﭽي و دموع بويه ذبحوني ذبحوني=ﭽم ذبحه ذبحوني ناس اللي حزو رﮔبتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني موقف اللي شيب دليلي هو الراس=و شلون اوصفه بويه بنت النبي و تتصدق عليه الناس=يا ألف وسفه بويه نحت و صحت ﭽا وينه عني العباس=صاحب الكلفه بويه شتموني شتموني=يا عمي شتموني ما اظن تقبل غيرتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني مجلس يزيد الصوبك لسهامه=خابت الضنه بويه خذوني عند اهل الغدر خدامه=طلبوني منه بويه يالراسك بوسط الطشت جدامه=ﮔمت اصدنه بويه بعيوني بعيوني=من شفته بعيوني بالعصا يضرب شفتك=يا بويه هضموني هضموني هضموني=يا بويه هضموني سكنه العزيزه و سلوتك=يا بويه هضموني