هذا الغريب منين=وين أهله راحوا وين مات بسجن مظلوم=و بيا ذنب مسموم عادة الميت يا شيعة لمن يسكن ونينه=تحضر أولاده و أخوته عن يساره و عن يمينه هذا الي يوسده ويجبله وذاك اليغمض له عينه=احنا ماشاهدنا ميت بالحديد امﮕيدينه من شدة التﮕييد=ينزف دما من الﮕيد باقي الأثر لليوم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم موسى بن جعفر تميز كاظم الغيض بصفاته=و لا سجون الطاغي ساعة بدلت سيرة حياته دمعته و لهجة دعائه و بﮕللب خاشع صلاته=للفرج يحسب ليالي و بالفرج يدري مماته طامورة الأشرار=ظلمتها ليل نهار من الشمس محروم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم مرت أعوام على سجنه و للفرج معقوده ظنه=شيعته المنتظره تنشد ياهو اليخبرها عنه ساعة السمعت إجاها طارش يبشرها منه=الموعد الجمعة يﮕلها بشوفة الوالي نتهنه يا شيعة و الميعاد=ﮔلهم جسر بغداد نستقبل المظلوم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم طلعت الشيعه تشوفه موسى بن جعفر أملها=من بعد غيبه طويله بالسلامة يرجع لها و عاين و لاحت جنازة أربعه تولوا حملها=سمعوا بناعي المنية ينعى و دموعه يهلها صاحوا يَناعي شصار=و شعندك من أخبار تنعي بحزن و تحوم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم عالجسر نادى المنادي هذا إمام الرافضيه=الطيب ابن الطيب أصله من صلب حامي الحميه من رحم بضعة محمد فاطمة الزهراء الزﭼيه=ﭼانت أطباعه السماحه و الحلم عنده سجيه ليش بسجن هارون=ﮔضى العمر مسجون بلوعه و ﭼبد مألوم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم ساعة الشخص طبيبه سم غدر وبﭼبده صابه=يا خلﮓ أردن أناشد اخوه ما عنده وﮔرابه يَلي تسأل هذا أهله بالمدينة للنجابه=خيرة الله على البريه نزل عليهم كتابه من أطهر الأصلاب=من أشرف الأنساب تقوى و فخر و علوم=و بيا ذنب مسموم هذا الغريب منين .. وين أهله راحوا وين مات بسجن مظلوم .. و بيا ذنب مسموم ياللي تسأل شنهي ذنبه الكاظم بسجن الخليفه=البايعوا جده الصميده بيعه سودا مو نظيفه للظلم وضعوا أساسه من عهد يوم السقيفه=فاطمة كسروا ضلعها و بضعة الهادي الشريفه