رضيع الطفوف يعبد الله يشوفي اللي يجدّيني=إبسهم الصابك إتصوّب إصبّي عيني يبني إشافت إمّك وإشّفت منها=إو تجفي إبساع من عدها وتدوهنها بمناغاك والبسمات فاتنها=ومن عگبك يسلواني إشيسليني شلون أسله وأنام الليل يالغالي=وأشوفنّك شبح يبتسم إگبالي أفز والگه المهد يا مهجتي خالي=بنائي ألجيك تشبكني وتناغيني تشبگني وأشبگك وأرشف الخدين=وإتجلّب إبصدري يا عزيز إحسين إوتتهنّه إبرضاعك يا نمير العين=يا صيوان مجدي الشمخ بسنيني تدري الوالده إشتتهنّه بالمولود=من إتشوفه إبكترها يلعب إوموجود تنسه التعب كله والسهر مفگود=يبني إرباك ما حسيت ما ذيني وآنه ساهرت يبني ليلاي إهواي=ومن خلگك يضيج ايذوب شحم إحشاي أطلبك بالمخاطر وبرفيف إجلاي=إبساعات الولاده الموت يلفيني يا زهرة حياة أمّك إبدنياها=وما غيرك بعد حاجه إتمنّاها إبعينك من تصد لمّك إشمحلاها=ولو صدّيت من كل ولم تبريني إحساب اللي حسبته ما طلع عالكيف=مگلوبي طلع مثل المشاهد طيف يبني بيك ضيّعت المضن يا حيف=كل ظني بدال إرباي توفيني چنت احسب أيامك يولدي وارجاك=تكبر والنواظر تنظر إلممشاك أناديك وإتناديني إويسرني إنداك=ها (يمّه) إبلطف شوگك تناديني ردت أتدلل إبجالك يبعد الروح=إو من اتمثلّك همّ البگلبي إيروح بعد ما حسّبت يبني تجي مذبوح=مفطوم إسهم شوفتك تعميني إشما أشوفك هموم العالگلب ينزال=يا شمعة حياتي وسلوة الدلال يا نسمة وفه من روضة الآمال=يتضاحك وردها بينك إوبيني عميت إبيوم شفتك ترفس إبرجليك=أتكمكش گمت ما شوف أصدّن ليك حسبت إتحضر يومي إنت إوتهيل إيديك=تربان اللحد فوگي وتواريني ما ريد العمر عگبك يبدر التام=إبسمه عزي تعلّه وإنخسف ما دام إبّحر الدم سبح ما وصل عمره عام=إشيكلي اليعتني إبفگده يعزّيني مليت الصبر والصبر ملّ منّي=إوسوّيت النياحه والحزن فنّي بعد ما يصحه كيفي إويبتسم سني=منيتي إتمّن عليّه لو توافيني