شعراء أهل البيت عليهم السلام - في شجاعة علي الأكبر (عليه السلام)

عــــدد الأبـيـات
22
عدد المشاهدات
1972
نــوع القصيدة
عامية
مــشــــاركـــة مـــن
تاريخ الإضافة
27/01/2010
وقـــت الإضــافــة
12:26 مساءً

في شجاعة علي الأكبر (عليه السلام) جرّد صارمه البيه المنايه ولأمره سلمت كل الروايه يحسين يحسين=شبلك وجّر إبسيفه الميادين شبلك إتوسّط الميدان حليف الغانمه فرّت الفرسان منّه حين جرّد صارمه صرخته بالكون صرخه جدّه حمّاي الحمه وجّر الحومه إبمرهفه=والفخر رمحه حالفه من عنده ولّت خايفه=إوجدامها بحر الدمه وين اتروح وبسيفه صگرها وخيول العده أبصوته حُبرها صفين صفين=حملات الصميده إبحرب صفين گامت الخيل إتعثر فوگ هامات الزلم إشما جحافلها إتكاثر بيها الأكبر مايهم نزع من عدها النفوس وجسّم إعليها الحتم بالرمح مكتوب الأجل=يرهب الحومه لو حمل يشبه لعد خير العمل=من يجسم الفارس جسم هذا الفرغ من الأصل طيبه وإسمه تفتخر بيه أرض (طيبه) نصّين نصّين=بجسم لو ضرب بالسيف نصّين نِعمْ من شبل أبو اليمّه لاح متن أم العله فوگ هام الشوس سيفه فرد تسمع ويد إله جم بطل مطوس إومدرّع سيف عزمه جندله لمّن عن إضراعه سفر=راس إبن غانم من طبر من شفرة الصارم طفر=ودموعه ظلت سايله عمّ الخوف كل قادة العسكر صگرها أودمرها سيف الأكبر للدين للدين=سيفه صار آيه ونصر للدين لاچن حسين أبو اليمّه إعيونه تربي للدرب لن علي الأكبر سدر ليه وتنومس بالحرب طلب شربة ماي منّه يبخ نيران الگلب جاوبه حسين ودمعته=تسجب على ابنه وحالته الماي آل أميّه منعته=دون ابن جشاف الكرب لمّك روح خل يستر گلبها إيگله وبلچن إيهوّد نحبها والعين والعين=ما بطلت تجري دمعة العين إمنين أجيب الماي يبني يا دليلي ومهجتي مثل چبدك وحگ جدك يا عزيزي چبدتي سدّر ويسجيك جدّك ماي يا ريحانتي أيّس من الماي وسدر=للحرب عنوان الفخر إمن العطش دلاله إنفطر=وناده إبمحلها ردتي لأبذل مهجتي وأفني وجودي بس إكون أگر عيون عودي نعمين نعمين=گال وصدگ شبل حسين نعمين للحرب سدّر ولاچن حاله مشرف عالعدام دارت إعليه الأعادي إبطعن وإبضرب اللئام ناده الأكبر يبو اليمّه إعليك من عندي السلام بويه طحت بين العده=وتواردتني أهل الرده شوف الجره إعليّه وسده=يا چبد سيد الأنام روّاني وحضر بالماي جدّي گلبك لايظل يحسين عندي ظامين ظامين=عودي كتله والرضعان ظامين من سمع صوته أبو اليمّه حسين مسرع ليه لفه يگله يبني ويا عزيزي يا شبيه المصطفى عگب عينك يا ضوه عيوني على الدنيه العفه إبطيحتك دلالي إنمرد=من غبت يا بدر السعد عگبك اصبي عيني انفكد=والضوه منها إنطفه اشحاله من شبك جسمه أوضمّه لصدره وشاهده إمسبّح إبدمّه ماشين ماشين=ناده يولدي بالأثر ماشين
Testing