ساقي عطاشى كربلاء جرّد البتّار=حي رايع اللوه نعمين من شبلك يكرار=جرّد البتار عباس طب ساحة الميدان إو جر إمهنده فرت الفرسان شافت لعد سيفه إمجرده لا تظن واحد إگباله ثبت من عند العده بيده المذهّب=ويبراله الحتف كل الرواية غدت طشار=جرّد البتار يشلع الفارس إبرمحه واليجسمه إمهنده ويوم سوه على الجيمان مثله ما سده صار درب السلم عنها من حمل يامبعده تردم الجيمان=غدت بعض إبعض تنظر وره وجدامها النار=جرّد البتار وگام أبو فاضل ينادي اليوم عني المفر وين؟ اليوم أضيّك الفله عليكم يا ضعيفين اليقين تمنعون الماي تردون على أطفال الحسين الماي أجيبه=غصب بمهندي واروي چبد مهجة المختار=جرّد البتار نادت الجيمان عباس إخبرنه إبغايتك منّه شنهو اللي تريده يا شهم وبجيّتك ماي چان تريد ننطيك وتروّي إخيالتك بس لا للحسين=توّدي من العذب تخسون ناداهم يالأشرار=جرّد البتار من سمع حزب الضلاله إتخاطبه بهذا الأمر سالت إدموعه أبو الغيره وإنشحن غيض الصدر إيهمل يم الماي چيف إو محرم إعله إبن الطهر حفّز إوصال=وملك شاطئ النهر والنعم ضنوة حامي الجار=جرّد البتار إتجنّبت حرّبه المسامي شاهدت بيه الخطر والغضب لاح إبجبينه إتجنبه كل النظر غرف من الماي عباس ودمع عينه إنحدر ذبّه وتحسر=إولامنّه ورد هيهات گصده يصل ضنوة المختار=جرّد البتار لاح متن المهر عباس وجرّد مرهفه گصده وهمّته يوصل الماي لأبن المصطفى إيكون أصل حيدر وگله وفه راعي الوفه إبخوّته وبه إحسين=طلع نعم الأخو إمن إدموم إميّه سالت إعبار=جرّد البتار