تراتيل الرثاء حارت إبسر معناك يابو الحمية=جن وإنس وأملاك يبن الزچيه ما حدّث التاريخ كله قريناه=ماجد نهض يحسين غيرك وشفناه ويد النهضتك صار شفنه وسمعناه=من واحد وستين بالغاضريه ما شفنه بالمسكون واحد الساواك=والفخر حدّه ليك يالماتعداك إبصبرك يبو السجاد عجّبت الأملاك=حياك ألف حياك صبح ومسيّه سبعين ألف سيّاف إلگابلتها=وبكل فراسه وباس إنت أوعظتها استحوذ عليها إبليس من خاطبتها=ما چنهم إيعرفون سيد البريّه من شاف أبو السجاد غاية حچيها=محتزمه بالشيطان صاير وليها أنساها ذكر الله طابع عليها=گلوب الذي إمن الدين ظلّت خليّه منهو أمّي منهو أبوي بالله إنسبوني=ومنهو آنه مانه حسين ما تعرفوني يا بدعه بيها الجيت وتحاربوني=إهنا يهل كوفان ويا آل أميّه نادوه نعرفك زين وأمك الزهره=بنت النبي المختار فضله إشيحصره إنطلبك إبثار حنين للساعه كسره=يدّي وبدر لليوم ناره سريّه عودك وكل هالجيش خلاّه يتامه=لسه بگت آثار من دم حسامه والينچتل بالكون تطلب عمامه=منك الثار اليوم دمّك الديّه شاف الوعظ ميفيد بيها أبو اليمه=ردّ العلي السجاد صاحب الهمّه إينشده إعلى حاله گام خاطبه وشمّه=إنت عگب عيناي والي البريه خاطب علي السجاد عوده المچنّه=ويه العده إشسوّيت يا فخر أهلنه گله يبويه الگوم ما بيها ظِنّه=راح أرد ردتي هاي بيها المنيّه ردّ ولفت لحسين من الله الأملاك=أرسلنا باري الكون إنحارب إوياك آمرنه رمشة عين نمحيها عيناك=لو حرك لجلك لو إنخسف الوطيّه ناده أبيّ الضيم خلّوني وحدي=منطي عهد ويكون أوفي بعهدي للباري إوإخوّان ماتظل عندي=حتى الطفل مذبوح ما بين إديّه وإيكون أضحّي الروح وأرضي الباري=كون إعلى جسمي إيصير يسفي الذاري وتمشي الحرم وأطفال والعده إتباري=من عگب عيني إتروح لبن