رحمة الباري علينه=بمبعث الهادي نبينه بالرساله الأحمديه بالظلام الناس چانت غارﮔه بحر الجهل تعبد الآة وتحبه وتعبد العزه وهبل ومنهه للأصنام تنطي فلذت اكباد وأهل ولن وميض الحگ يدّوي يصرخ بصوت الأمل من نبينه المصطفى=مشعل الجهل أنطفه وشعشع النور الآهي عالعقول الجوهريه بالرساله الأحمديه 100 رب تﮔول واكثر تعبد الآف البشر من تمر رب التعبده لو خشب لو من حجر وناس تعبد عن قناعه انهار ونجوم وشجر وتكتل أطفال البريئه بالؤد عدكم خبر وچانت بهذا الوضع=عايشه ذيج الربع ولن رسول الله نقذهه من الحياة الجاهليه بالرساله الأحمديه أحنه وين بيا زويه لون مو طه الرسول الأجه بالدين السماوي وانتشل ذيچ العقول وبين احكامه ونظامه بالفروع وبالأصول وأشعل اقمار الهدايه الما يلازمهه الأفول علم دين الله ورسوله=من فروعه ومن اصوله التزم هو اليقودك للحياة الأبديه بالرساله الأحمديه رحمة الباري العباده من بعث بيهه النبي منهه بيهه ومن حچيهه ومو غريب واجنبي والكتاب القدسي منه باللسان العربي چالسراج ونوره ضاوي وللأبد ما ينطفي ضاوي لصحاب الهدايه=من البدايه وللنهايه ويضل مشرق للأبد من الأقمار الهاشميه بالرساله الأحمديه دينه دين الكرامه دينه دين الحياة دين للأخلاق مبدأ دين مركب للنجاة دين مايقبل الذله ويرفض الكل الطغاة دين من النور مشعل ينور ابدرب الاباة دينه الكل البشر=يضل خالد بالدهر والمجد ميعاده ﮔرب بالقياده المهدويه بالرساله الأحمديه النصيحه اتكون احله لو اجت مسك الختام هاك اخذ لب الأمور وستمع خير الكلام امشي وي دينك ونهجك توصل البر السلام وبالك الدنيه تغرك وتغرگ بحر الحرام والأمور اموضحه=تضوي چن شمس الضحه وبالك بدينك تفرط الك من ربك هديه بالرساله الأحمدية