بلوه يا بوية بزماني=سددّ اسهامة ورماني ليلة التاسع عشر=دهري كسرلي الظهر سددّ اسهامه ورماني صوت الملك ليلة مصابك من صاح بويه انهدم بالفزعة كل حيلي وراح ياجبل ثابت وسفه طودك من طاح لاطر علينه ولا بزغ هالمصباح منذهل فكري اعتينيتك=وسفه يا حيدر لگيتك شرد اوصف منظرك=هالدهر ما قدّرك سدد اسهامه ورماني صبّ الدهر جام البلاء بروحي هذا الجرح هدّم عليه اصروحي توحي المخاوف بيه بويه شتوحي ليلة مصابك فتگتلي اجروحي كبرت بگلبي المصيبه=واذكرت ضلع الحبيبة شرد اضمد بالدمع=طبرتك لو هالضلع سدد اسهامه ورماني انته الرجاء العندي وانته الوالي اقسم عليك بفاطمه يل الغالي جاوبني بلچن تخمد بدلالي نار الجروح التحرگ بآ مالي واحترگ كل امل عندي=خلافك وكل جرح يدي گلبي بجروحه انسحن=والدهر يا با الحسن سدد اسهامه ورماني تدري المصايب بويه بيه شخلّن شفت الجرح بعيوني لمّن صدّن اعروگ الگلب من عندي كلهه انگطعن ادموع الجفن عالخد يبويه انهملن جرح ما يرهم اضماده=نال بن ملجم امراده وحين جراّحك عَرَف=وجهه بالخوف انخطف سدد اسهامه ورماني سلّمت امري وروحي بين النارين نار الفكر والجرح ولّد جرحين جرح الضلع واليتم بيّن بالعين يابويه وخلافك يوسدني البين بالجفن بيّن هظمنه=بحاجتك احنه وعفتنه المن بخوفي استچن=غيّم علينه الحزن سدد اسهامه ورماني شهر الفطر بهلاله مجبل عيده من يمسح ادموع الثكاله بايده يا والد وكل اليتامه تريده وتدري اليتيم الوحشه نار تزيده تنتظر منهو اليجيهه=منهو يتنشّد عليهه ليش شخصك ما حظر=تنشد عليك القدر سدّ اسهامه ورماني