يوالد چبدتي انصابت=شمسك بالحزن غابت اسچب عالنعش دمعات=اشوفك لابعد هيهات شمسك بالحزن غابت يوالد غربّت شمسك=عمر خلصن لياليه يوالد گابلت نعشك =بجفن مامل بواچيه يوالد اگعد لبتك =يتيمه واصبحت هيه يوالد فرگتك صعبه=كلف جرحك يمض بيه كلف جرحك يغيبك دوم =كلف جرحك ذبحني اليوم اشوفك بالنعش ممدود =كطعت الضن بعد متعود شمسك بالحزن غابت صعب شخصك بعد عني=بفراكگ دليلي انصاب يوالد وحشه دارك صار=چنت اتنطرك بالباب بعدك اظلمت دنياي=عگبك موحش المحراب روحي وشهگة الملهوف= يغرزههه الدهر بنياب يغرزهه الدهر بسيوف =انهض ياذخرنه وشوف يوالد فرگتك كسره =نداوي الخله بالعبره شمسك بالحزن غابت يعيد بياعذر عندك=تهل وحيدر الغايب يعيد بيا فرح تجبل= گلبي من الحزن ذايب ناحت بالسمه الأملاك= وبالأرض المحب نادب گلب اللي يود حيدر= بنيرانه استعر لاهب لون مرهم تصير الروح=اخذه لراسك المجروح تدري بكل گلب مفجوع=صوت ويه النبض مسموع شمسك بالحزن غابت بين الكعبه والمحراب =حيدر ثّبت البرهان غايه وصارت من الذر= مايدركهه كل انسان يوالد والنعش محمول= جسمك يحوي لو قرآن ياآيه وحويت الكون=عجب يگدرلك الدفان علي بين التراب تنام =علي يحتاجك الأسلام يتيم اصبح تره بلياك= كل يوم اليمر ينخاك شمسك بالحزن غابت كل يوم اليمر ينخاك= علي يا صاحب الشده علي المايعرف الكلفه= وحل المعضلة عنده طوفان الكفر داهم=بچفوفك علي اتصده رديت الشمس يا حيد=اگعد للعمر رده رِد الشمس لو غربت= شيعه ويه الظلم صبرت صبرت عالذبح والموت= وتنادي برفيع الصوت شمسك بالحزن غابت