خذ العباس القصيدة الرابعة / حتى ترضى الشاعر : نادر التتان من لهموم نلطم على الراس يا مظلوم وين العباس نطلب حمايه .. ساقي الظمايه هو الوعدنا .. يروينا مايه خذ مكتوب للغالي وصلة .. وبقلبه خله .. يحسين وقله مكسور الخواطر من لقلوب خذ دمعة العين .. وديها يحسين .. واسال متى أوين تتروى المشاعر ابو فاضل يحبنا وقلبه معروف=يخاف اعلينه حتى من النسايم ولانصدق حچي الموت الوصلنا=ولو من مصرعه بانت علايم أبو فاضل كريم ولا يقولون=يخلينا ويظل بجروحه هايم ابد لا والله لامو هذا طبعه=محبينه عطاشى ويبقي نايم ما ادري يوصل له الصوت من صدري لو عاقه الموت الهم مسكنا .. ومنهو يسكنه لو يرضى ماظن .. يرضى على سكنه من لهموم نلطم على الراس يا مظلوم وين العباس نطلب حمايه .. ساقي الظمايه هو الوعدنا .. يروينا مايه يازينب لعيوني سكتي .. والغالية انتي .. وخل نحچي يختي في خيمة وحدنا لا ينصب دمعچ بلعيون .. ماودي يدرون .. خايف يموتون من دمعه اعلى خذنا أنا امنين ابتدي واحچي يزينب=بريت الموت اخذني وراحت الروح ولا شفت اللي شفته اعلى الشريعه=عقب هذا الجرح مسموحه لجروح ملك لفرات اخوچ وماشرب ماي=مشى وخلى النهربالحسره مذبوح طلع من هامته وعينه واياديه=وختمها بموته ظامي وجسمه مطروح لاتهقين عزچ يرجع سهم العين كفى المصرع قوض مراسه .. ليث الفراسه لو بس تشوفين .. جرح الفي راسه من لهموم نلطم على الراس يا مظلوم وين العباس نطلب حمايه .. ساقي الظمايه هو الوعدنا .. يروينا مايه آآآه وآآآه بس خويه لا تقول .. راح الاخو وقول .. منهو اللي مسؤول عن ضيعة دلالي واويلاه هذي الرزيه .. ومن باقي ليه .. شمتو عليه كافل مابقى لي إذا تقدر يخويه خذني أرجوك=أظل يمه ومن أعيونه قريبه أعيش بمصرعه باقي حياتي=ولا يخليني من بعده غريبه حبيبي ودنيتي وكل عمري عباس=وفي وما ظنتي ينسي الحبيبه واذا صرت اعتبه ومارد عليه=مصيبه ومابعدها من مصيبه ما اقدر اصبر بعده اتودر لحظه بعده دم عيني تهمي .. من يلقي سهمي في اعيونه سهمه .. وبقلبي سهمي من لهموم نلطم على الراس يا مظلوم وين العباس نطلب حمايه .. ساقي الظمايه هو الوعدنا .. يروينا مايه