بمان الله عبدالله القرمزي بمان الخير و الدهشه .. و حوافر تعبر أضلاعك بمان الليل و الوحشه .. و ونيني ينادي أسماعك بمان العبره و الرعشه .. و باعي فاتح الباعك يَحامل بالشمس نعشه .. تفتني ساعة وداعك مشيت و مَعب الممشه .. يَرافع عني شراعك فتح سيف الأجل رمشه .. عليك و حمر أوجاعك بمان الله بمان الله يبن أمي بمان الله يا روحي الفارگت جسمي بمان الله دماك دمومي .. و يومك يومي بمان الله .. بمان الله يالذي وياه بحظن واحد تربيت ظمني وياه الألم و الأمل في بيت و من دمع عيني كثر عبراته صبيت حزني عالموتك لبست الموت و لبيت ياليومك من أيامي خذني=و يالموتك لو من ذبك ذبني ماگول ان مصابك شيبني=لأن الصابك كله صوبني زينب ماتت وياك بلحظة=و مالي بعدك عمر يذوبني و كلما حل بيه حل في جثه=و دهري ظنه انه دولبني ونينك صوتي .. و موتك موتي بمان الله .. بمان الله بمان الله يبن أمي بمان الله يا روحي الفارگت جسمي بمان الله دماك دمومي .. و يومك يومي بمان الله .. بمان الله ما أسايل مصرعك يالمنجدل وين لأني ويا المصرع تجدلت شطرين و ما جرت ليه عليك من الدمع عين لأن زينب انتهت من غمض حسين من گال انك وحدك بالغبره=يالي نحري تگطع وي نحره مو بس صدري تكسر وي صدرك=هم تحت الحافر ضلع الزهراء چانت يم الشاطي تنتظرك=و شدتها بالميدان بالحسرة و اهوت فوگك تلمك چم عبرة=چم كسرة و چم لطمة و چم عصرة ما چنت بروحك .. و روحي بروحك بمان الله .. بمان الله بمان الله يبن أمي بمان الله يا روحي الفارگت جسمي بمان الله دماك دمومي .. و يومك يومي بمان الله .. بمان الله ميته مثلك يخويه و مثل عباس جسمي تابوت الخذوه ويا السبى الناس لو تظن من بعدك اني بيه أنفاس والله شلون أحملك جثه بلا راس مو چفي الي شالت عطشاني=روحك انته الشالت جثماني يالواريته بگللبي باحزاني=من عيني الشافت من واراني فوگ اني نحري يفيد اجفان=و شريانك نازف من شرياني من چنت وياه و من خلاني=و من ياخويه الي داس الثاني فجعت أيامك .. و تركت أيتامك بمان الله .. بمان الله بمان الله يبن أمي بمان الله يا روحي الفارگت جسمي بمان الله دماك دمومي .. و يومك يومي بمان الله .. بمان الله