يبني يجاسم انخاك يبني يجاسم انخاك = وانته سليل العتره انه الذخرتك لليوم = وعمك اريد اتنصره رمله اوجبت يم جسام = أم وتريد ارباهه بخيمتهه حاجته بنوح = وابن الحسن حاجهه انه امك وهل انخاك = وحاشه تخيب ارجاهه خليني افخر بدماك = يم الزجيه الزهره يبن الحسن عمك هاذ = دارت عليه عدوانه لامن يعينه ويحميه = من بعد كل وليانه وصوت الجهاد ايناديك = وفاتح الك بيبانه وانته الحرب عندك عيد = بيهه انشأت عالفطره يبني ويسباح الروح = يل شوفتك عز عيدي ألآمة ابوك المسموم = هاك ارتدي يوليدي ولعمك ابن الكرار = انه الاقدمك بيدي حته افتخرمن ينطيك = للحومه تدخل بامره كام انتفض هالضرغام = وكاللهه لاتحشميني انطيني الدرع والبتار = ولآمة ابوي انطيني منج لاگر هاي العين = من غير لا توصيني هذا البدر من جسام = مغضب طلع للغبره ويم عمه واكف خجلان = شبل الحسن يتوسل رايد يطب الميدان = ويتعنه صوب الجحفل ضمه الشهيد العطشان = ويوليدي كله اتمهل واشلون اخليك اتروح = يل ما شبع من عمره يوليدي رد يا جسام = رد لامك وسليهه انته الوديعه المذخور = وعندي الحسن منطيهه لو رحت امك يا حيد = منهو الذي يباريهه رد ليهه يبن المسموم = وامك الك منتظره يا عمي خليني وياك = وعن الحرب لاتردني وامي يبن داحي الباب = هيه التي حشمتني وكصرت حمايل هالسيف = وثوب الحسن لبستني ولنصرتك يا مظلوم = وجهتني امي الحره صوب الحرب هب جسام = وهناك سجل اسمه وخاض الشدد والاهوال = رايد يضحي لعمه بدم الشهاده الحناه = طيب خواطر أمه وتفانه من اجل الدين = ولعمه قدم نحره عمار جبار خضير محرم 2009