حديث لعلي ع للشاعر : نادر التتان يا علي من فتحت عالدنيا عيناي=يعلم الله ما شفت غيرك في دنياي و جرحك بروحه الحملني و الكفلني=و ظل طوال سنيني في كل محنة وياي ضاعت الجنة في گللبك .. و اليدلي عليها حبك بإسمك الدنيا عشتها .. و إنته گُربي و آنا گُربك تحن عليَه و تكفي ليَه سبب و أشوفك حاضر و لا سبب لك تغيب و شبلك ينادي هل من ناصر وصول ربي تداوي گللبي إذا نخيتك حاير بعد شيردك عن الي بعدك يظل وحيد بعاشر يا علي تخليت و ظلع الزهرا مكسور=گلنا عاگتك وصية و بيها معذور لكن شعذرك يَبو الغيرة اتخلى=عن حبيب المصطفى حسينك في عاشور يا علي من فتحت عالدنيا عيناي=يعلم الله ما شفت غيرك في دنياي و جرحك بروحه الحملني و الكفلني=و ظل طوال سنيني في كل محنة وياي عمري بجروحك سگيته .. و على چفينك لگيته يا نهر حب يروي عمري .. أنتهي لو فارگيته إذا اليحبك تناوله گلبك تشربه كاس الكوثر تخلي بالحر رضيع و منحر يذوب و ما تتأثر يَهَل يحشمك ينادي بإسمك تعينه أكثر و أكثر تخلي زينب غريبه تنحب تدورك و تتعثر يا علي المثلك صعب يسكن بالرمال=و الدمع من لغوته على الوجنه همال گلي من وصيته بيها تذكر و گول=ما هو هذا المرمي لا يمنى و لا شمال يا علي من فتحت عالدنيا عيناي=يعلم الله ما شفت غيرك في دنياي و جرحك بروحه الحملني و الكفلني=و ظل طوال سنيني في كل محنة وياي يا شمس ضوَت حياتي .. و حققت كل أمنياتي ما تغيب و لو هي غابت .. ما يظل لسنيني آتي من السمعته يَحيدر إنته الشمس گدرت تردها يَبو المعاجز و لا إنته عاجز عن السبط تبعدها و أشد فوارس حرب أشاوس مهندك يحصدها بظهر محرم على المخيم تحوم و ما تبعدها يا علي چان إنته تطفي بحبك النار=گوم و شوف بعينك الطف بيها شِلصار شَبوا السبع العُلا بحرگ الصياوين=و إنته ما شب الحزن گبرك يا كرار يا علي من فتحت عالدنيا عيناي=يعلم الله ما شفت غيرك في دنياي و جرحك بروحه الحملني و الكفلني=و ظل طوال سنيني في كل محنة وياي عاشگ من بعيد أزورك .. و أحتضن بعيوني نورك ما تضيعني المصايب .. و إنته ناشر حولي سورك تظل تمدني و ما تردني إذا وگفت ببابك عن اليتامى و عن الأيامى خِطيه ليش غيابك صبح مسيه على البريه تظلل من ترابك و بالكسيره حرم أسيره و لا كفلتها شصابك يا علي تزور الحيارى بظلمة الليل=و بمعونتها على ظهرك تنقش الويل ما تزور بكربلاء ثيابك سليبة=و نسوتك و أطفالك المسحوگة بالخيل يا علي من فتحت عالدنيا عيناي=يعلم الله ما شفت غيرك في دنياي و جرحك بروحه الحملني و الكفلني=و ظل طوال سنيني في كل محنة وياي