شد ابو فاضل احصانه و اعتلاه=و المنايه شدن او يبرن اوياه المنايه شدن او كدن او كد=من قبلهن و انتخه عدهن اوهد رعد صوته بالوغه مثل الرعد=بالسمه و الكون جدامه طواه طوه الكون او بالطبر سيفه انطوه=او خلط ماي العلقمي او دمها سوه حاط بيها او ضيع اعليها الهوه=او هوى ابسيفه او هوت كلها من هوه من هواه اهوت جثث من غير روس=مثل عزرائيل تهوي له النفوس اطرب او عنده الحرب زفة اعروس=و الدمه حنه على اجفوفه دماه بالدم انحنه او فرح و الطرب زاد=او لبس قلبه اعلى الدرع يوم الطراد و الرمح بيده مثل صل الحماد=سم سقاها و المذهب دم سقاه دم سقاه او سقى الغبره او تم يحوم=اعلى الجموع او يرتعش صل الحزوم حاط بيها او جالها او لف القروم=واحد ابواحد الجدامه او وراه الكون لفه واحد ابواحد يلف=و اليوصف بيه يحتار اليصف ذاك احسيه ايموت البصدره يجف=و الشرد ليه اعتنه او خزه او رماه من رماه رد او شخص ليه بن سعد=او قام عن التخت بالثايه لبد و له الثايه او مرد بيه ما مرد=او جاب منها العلم و الشايله اوياه