في الانصار و الهاشميين عليهم السلام مظت هاشم و الانصار اوياها=عند ابو اليمه او عرف منواها هاشم العباس يجدمها لفه=او طب على اعضيده عزيز المصطفه او طب حبيب النفل شاهر مرهفه=و الانصار اعلى الأثر تتلاها طبت اعلى احسين كل ذيج الحيود=او قعدت ابدوانه التوفي العهود قام ابن مظاهر لعد سر الوجود=حب يمنته او على الجفن خلاها قاله و الدمع من عينه همل=يا عزيز المصطفه او خير العمل احنه طلقنه الحلايل و الأهل=لجلك أوكل دورنه عفناها عفنه كل أهل كل ذيج الديار=لجلك او غاية التنوبها الانصار اريد باجر من يشب بالكون نار=احنه او ننزل الملقاها انريد نتلقه الصوارم بالوريد=دونكم سادتنه و احنه العبيد لا تخلونه نظل نلوي الجيد=يبو اليمه او هاي نتمناها قام ابو فاضل لجن دمعه يسيل=او خاطب اعضيده شبل حامي الدخيل يابن ابويه لو وقع حمل الثجيل=هله اتشيل ابزوده او نخواها احنه اخوتك لو لفت جن او انس=او من تغطي اجموعها عين الشمس ما تخلي منهم امخبر ينس=الكون باجر و احنه احنه اوياها جاوبه احسين او دمع عينه همل=او قاله ابهونك يراعي الغانمه شبول هاشم عوده حامي الحمى=الزود الها و النصر يبرالها لجن يا عضيدي حبيب الها الامر=رايد اول بالحرب قومه تكر دونكم توقف لعد طعن السمر=او تحمي الحد او تذل اعداها جاوبه العباس يابن المرتضه=الامر امرك و احنه من عدنه الرضه يا سعد حظه الذي ابشخصك حضه=او بيك بالدارين يعله جاها اشبول هاشم لو ثقب عج الحرب=تنجسم بيمين و يسار او قلب العزم بالله من تجابلها الهضب=انزيلها و النصر يبره الواها لون ما يجره المقدر بالجره=ما ثوو صرعه على حر الثره اجسومها فوق الوطيه امعفره=يالوسف و مخضبه بدماها