في رثاء العباس عليه السلام ابو فاضل ركب غوجه=او تعنه المعركه ابهمه قصد ايجيب بيده الماي=يسجي اطفال ابو اليمه اقبل يطلب الرخصه=امن عضيده شبل حيدر ناده يبن ابويه اليوم=قلبي ذاب و تفطّر أسمع صرخة اعيالك=تلوع امن العطش و الحر و عبدالله الطفل ظامي=او جف عنه حليب امه اريد الماي اجيبه الحين=و اسجي اطفالنا يحسين قله او داعة الله روح=ترد سالم يماي العين شهر سيفه او حمل علقوم=ذكرهم بدر و حنين صال او قفل الرايات=ما واحد ثبت جدمه ليق او هاج من شيبه=او شن اعلى العده الغاره هجت تطلب المنجه=من يصمخ البتاره كلمن ثبت جدامه=خله النايحه ابداره بالبتار يومي اعليه=اليثبت تفقده امه امصيت لو شهر سيفه=زلزله او بالحرب ماصوف انذارت من وصل ليها=او ضل بيها الرهق و الخوف تبسم و اعبست منه=او لون اوجوهها مخطوف صل جنه او طلق على القوم=و الصل يقتل ابسمه عذاب الخل اخو زينب=ابسيفه قطع تاليها يبرج اظهر خيل اعداه=لو صال او صرخ بيها طاعون او نزل على القوم=حام او حوّم اعليها لمن ملك عذاب الماي=هذا مقصده او همه نزل بيده او مله جوده=و هو مستانس و فرحان طلع متنومس اعليها=او منه اميدبه الفرسان ردو صاحو العاده=او عادت له بني سفيان لاجنها انخذف منه=او ما تقدر تصل يمه ما تم النصر ساعه=اجت ليه او فرت جوده وقف مغبون متوسف=راح الماي مقصوده لن كافر شهر سيفه=او لبو فاضل بره ازنوده او فصخو هامته ابعامود=او توزع بالنبل جسمه هوه فوق الأرض جالود=يا وسفه اعلى ابو فاضل طاحت رايته او جسمه=طعن او طبر متواصل لفه ليه السبط لاجن=حيله امن الهظم ناحل لقاه امقطعه ازنوده=او جسمه امخضب ابدمه شبك جسمه او حن اعليه=او ناداه انكسر ظهري بعد مالي صبر يا خوي=من عقبك فنه صبري يخويه من عقب عينك=يبو فاضل شلي ابعمري إنته نورنه او عقبك=الدنيه غدت مظلمه