خذ يا محمد عل الامه اشهد هاذي عترتك هاذي مصارعهه هاذي امتك انظر لواقعهه خذ يامحمد يلهادي ومصيبتكم ماتنتهي بهذا الحد =هاي اصبحت فكت باب منهه الدرب يتعبد سبب دعوتك للاسلام على العتره البلاء اشتد=ومهما يتسع دينك عليهه الحقد يتوقد هاي الزجيه = اول ضحيه ومنا وانت رايح يا رسول الله =تجمل اهلك ذبايح فده لوجه الله خذ يامحمد يلهادي امتك هذي كلسا طعنتك بمجان =مجزره الطفوف اضحت بتاريخ امتك عنوان بيهه شاهده زينب لمن اجت بالميدان =من شافت اخوهه حسين جسمه موسد التربان رفعت راسهه لله تكَله تقبل القربان =يعني التضحيه الكم يعني الصافيه لمروان التنطي قربان= والتحكم اوثان كليوم والك دم عل الارض جاري =اخذه وقدمه قربان للباري خذ يامحمد غريب من ابتده الاسلام وغريب يعود والشر هاج =من يزيد وعبيد الله ومن مروان والحجاج واحد يمحي وجوده وواحد زيف المنهاج =الخص حالته ووضعه وبعد كل جدل مايحتاج دينك تكَلب= كالكره بملعب كلسا توكَع بيدبطل فناني=يضربهه بقدم ويكَله للثاني خذ يامحمد يلهادي من اسولفلك بالواقع شرحنه يطول =شما نتوقع ونحجي بعد عدنه مجال نكَول نحددلك منو القصر وانت تعرف المسؤول =الاجه واعتله المنبركَال آنه امثل المرسول نعرضلك اسماء =منهه الخلفاء سكران الامير واجه لبيت الله=نوه فرض الصبح بثمن ركع صله خذ يامحمد المسلم من يمسه الضيم حتما يلتجي لدينه =يجي يرتجي بحضن الدين وظل الوارفه يمينه يصاب برد فعل لمن يره لا شي لتأمينه =يرد ولسان حاله يكَول الحجي ضل بس عناوينه مثل الدوه وفايدته اليكتبو على القنينه =يشفي الصدريشفي الراس يشفي التلتهب عينه يقره بعنايه =بهل الحب دوايه يروح وياخد الحب لجن مايشفه =ومن يرجع اردود تخاطبه الوصفه خذ يامحمد يلهادي على وضع الحال عدنه تذكر الاخبار =واحنه نطمئن بيهه ونروي للصغار كبار يظهر لامتك مهدي من اولادك لاخذ الثار =يملاهه الارض عدلا وميضل للظلم آثار والحق يظهر بعهده والباطل بديه ينهار=لامستضعف بهل الناس يبقه ولايضل جبار لهنا يكتفي التاريخ وما يكشف بعد اسرار =يضل الواقع اليحجي وهو يوجه الانظار