في حالة الطفل و مصرع العباس (عليه السلام) طفل احسين ظامي او يجذب الونه=يريد الماي ما ضاكت الشرب منه تلوج اعليه ادموعها رابت=لعد زينب تنادي او للطفل جابت شوفي اوليد اخيج جبدته ذابت=يلوج او نشف دمعه او بيش ابلنه يون او يهد حيل الدهر بونينه=او صوته انكطع منه او غربت عينه اريدنج يعمته اليوم تسجينه=دكومي لابن اخوج او لاحكي منه كامت ليه تنهشر على حاله=تصد ليه او دموع العين هماله صرخت يم ابوه او وكفت اكباله=يخويه الطفل مات أولا بعد ظنه تنادي او من بجت يمه انخطف لونه=ما تدري يخويه طفلك اشلونه نشف ريجه او حليبه او غارت اعيونه=ثلاثتيام ما هادو رضع منه ناداها أنا اشبيدي او تنخيني=شوفي الكوم على الماي اخرجت دوني على طفلي يزينب كدرتيني=او جيف اقدر على افراقه و صد عنه نادت وين اخويه الجاسب النوماس=ذخري و ابن ابوي الضيغم عباس ناخيتك يخويه او فرعت الراس=للطفل احسين اخوك الماي اريدنه ناده احسين ظهري لا تكسرينه=او صبري او طود صبري لا تهدمينه دخل طفلي يموت او لا تفزعينه=اخويه او يشعب أفادي من افكدنّه صال الليث و تجنه او نخه عدها=يزينب دونج الجيمان لربدها لخليها تموج الخيل بعددها=أوصل الماي و اعيونج لجيبنّه رج رمحه الرديني او طارت اقصمه=او جذب سيفه او عده و الكوم ملتمّه وصل ليها الشفيه البغرث اللم=ردمها او نهم بيها و اخلست منه طفح بيها الشفيه ابظهر ميمونه=يخبط الموت و الجربه على امتونه صول للشريعه او من يكف دونه=اشحدها و الجموع اتمايلت عنه ترس جوده او عدو الكوم بدروابه=يصول او جبدته امن العطش معطوبه لكد غوجه يويلي او فات مطلوبه=طاح او خل عدوانه يدوسنه