في وصية الحادي بالسبايا هلله هلله يحادي بالعليل=الگيد حزه او شوف دم ساگه يسيل مهجة الزهره يخايب والحسين=ما بگه برويحته غير الونين شوف روحه رايحه او غمضت العين=لا تحط ابرگبته غل الثجيل بالمدلل لا تسج و الوگت حار=ناحل اتشوفه او مثل العود صار طارف ابمسراك باطراف النهار=و الظهر صار قبل لا تشيل اشلون يحمل بالشمس لفح السموم=اولو گعد بالگاع ما يگدر يگوم فاجد أهله اهنا يلايم لا تلوم=لو جذب ونه او سهر ليل الطويل ويل قلبي من يصد لسكينه=اتصيح بوي احسين خويه وينه تسجب ادموعه او تهل عينه=اتجاوبه اسكينه يويلي بالعويل هلله هلله ابزين العابدين=يجر بالحسره أو يجذب الونين فاجد اعضيده علي او عوده الحسين=او عمه بو فاضل شبل حامي الدخيل فاجد العريس جسام الشباب=فاجد أهل الشيم سبعين الأصحاب على امصايبهم تسله وچبده ذاب=يون نوبه او نوبه ادموعه تسيل هلله هلله يحادي بالحرم=تنحب الوليانها أهل الشيم سلبوها او حرقوا اعليها الخيم=او لا بگه عدهن ولي او لا نم جفيل هلله هلله يحادي بالاطفال=ماهي متعلمه على ركبة الاجمال جانت امعلمه على العز و الدلال=لا تخلها اتنوح تعلن بالعويل هلله هلله ابجلثوم او رباب=او زينب او سكنه نسل داحي الباب تنحب اعلى احسينها بدر الشباب=بالعرش و اللوح قط ماله مثيل