ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا بتكوينه البشر ياحسين=متساويين نوعيه جسمه ومحتواه واضح=ومعروف بتساويه شي بيه خفي ومجهول=ونزعاته النفسيه وهيه بدورها تكشفه=وتظهر لك مخافيه تكشفه من اتجاهاته=شر يو لا حسن نيه واحنه بنفسك أمنا=من إعرفناها قُدسيه بشخصيتك لمسنا أوصاف=« ما نوجدت» بشخصيه لمسنا بيك ابو الأحرار=عرفنا الموت حريه لمسنا التضحيه بشخصك=عرفنا الشرف تضحيه لمسنا بيك أبي وماتلين=عرفنا الدين عبوديه لمسنا على الكرامه أقضيت=عرفنا أنريدها هيه لمسنا ابذلت بدم وحيك=عرفنا الدنيا وحشيه لمسنا قسوة أعداءك=عرفنا احنه فدائيه عرفنا انظل بيدين إِيزيد من إِيد القساوة أل إيد قبلنا ولمن أقبلنا .. صحنا بيك أمنا ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا عن سابق علم يا حسين=وعن تركيز بالفكره حبيناك وتبعناك=ونتوقع غصص مُره ونتوقع وقت محدود=وساعات أل تُمر خطره ما بين أل يكيد ألنا=وبين يدبر الغدره ومع احساسنا هذا=ول شفناه وننتظره أمنا وتوطنا=على كل شي بعد يجرى معلوم أل يشم أزهار=يوخزه أل شوك بالشجره على ريحتكم شنو الأزهار=نتحمل ادى جمره تُربة كربلا تشهد=أل من دمنا أصبحت حمره ويوم العاشر بعاشور=هم يشهد مع الذكرى وكل طعنة رمح تشهد=وكل سيف أل طبر طبره كلها أتصيح أمنا=بمحبتك يابو العتره حقيقتنا وطبيعتنا=كتبناها على الفطره أحنه وكل دمى مهدور وكل طعنه وجرح ونحور بساحات الشرف كلنا .. صحنا بيك أمنا ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا يا حسين اتفقنا اوْياك=بالدم بالنفس بالجيد مثل ما كنا عالفطره=لا صدفه ولا تعويد افرض نشد عن خطك=ونسير إعله خط ابعيد افرض « يسچب » بينا الكاس=ويسحرنا هوى التجديد افرض نلتهي نقامر=ونتصرف بلا تقيد شما تفرض بعد يا حسين=شما نعمل بعد ونزيد لا بد ما تجي الساعه=أل بيها ننتبه ونعيد لا بد ما هوا الرحمه=يدركنا ونرد اجديد حتى أنچانه نهرم=ويضعف حيلنا ونبيد ولا نقدر نحرك راس=ولا نقدر نحرك إِيد ولا نشوف ولا نسمع صوت تسندنا وسادة موت بأخر نِفس احسبنا .. صحنا بيك أمنا ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا على سيرة عقايدنا=انحبكم يابن داحي الباب فتشنا بمحبتكم=وما ظل على العين احجاب لا حب محترف طامع=لا حب هاوي شب اوْغاب حب المحترف عنده=بتحقيق الأرباح احساب وحب الهاوي يتنقل=ويه هواه إعله ساعه وغاب الحب حبنا أل على الفطره=أل عل المعتقد بالألباب رواد الأصول تقول=عل يعتقد ما ينعاب حبيناكم اوْ احنه=بين الرحم والاصلاب على هاي العقيده نسير=الحاضر وليجي ولغاب على كل صوت من عدكم=نرفع صوتنا بإِيجاب بصوتك من صحت يا حسين هل من ناصر أل هالدين ما بين الأصلاب احنه .. صحنا بيك أمنا ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا مرّ بينا إِعله حبك جور=لا ينسى ولا يخفى من عدوانك أل چانت=بينا تريد تتشفى علينا أفرضوا أحكام=بلا رحمه ولا رأفه ثبتنا بثقه وبرهنا=للظالم رغم انفه حتى من نجي نزورك=على العادة المأتلفه يتحجج علينا يريد=يمنعنا بألف حِرفه قال اللي يزور حسين=وله مهما يكُن ظرفه عليه مية ذهب يدفع=رسم أزيارته يكلفه دفعنا وكل شخص منا=يشعر بعده ما وفى شنهو الذهب شنهو المال=اللي يحب يتوطن أل حتفه ردّ قال أل يزور حسين=من إِيده ينقطع چفه انطينا چفوفنا بالحال=وركضنا نزورك أبلهفه عنك ما منعنا الخوف قطعوا من إِيدينا چفوف من الألم ما صحنا .. صحنا بيك أمنا ياحسين بضمايرنا .. صحنا بيك أمنا لا صيحة عواطف هاي لا دعوه ومجرد راي هذي من مبادئنا .. صحنا بيك أمنا عشت يا بن النبي فتره=يصعب عل يحددها مات النبي وعن ضِمته=جديدة عهد مولدها والناس بكفر وبدين=مضطربه عقايدها ولن حكم ابن ابو سفيان=بدا لنُظُم يفسدها ودين الدوله صح اسلام=يطم حلوق ويسدها يا دين ؟ وأمير الشام=لها الچلمه يرددها ما قاتلتكم لصوم=لا حج لا مُحمدها بهالدهنيه والمفهوم=الأمور أخلافه مهدها وعلى دين الملوك الناس=شما تعبد تقلدها بهالرد الفعل يا حسين=بهالفوضى أل تشاهدها قمت و اطلقت هالصرخه=ألما تتأول أل ضدها ألم يستقم هالدين=قِلتها واثبتت عدها وبضد كلمتك لن صوت=ارتفع نسى يفندها صاحوا خارجي وصحنا=يا حسين انت سيدها صاحو أشركت يا حسين صحنا انت أصول الدين صاحوا بيكم أكفرنا .. صحنا بيك أمنا