الحسين و يتيمة مسلم من سفرة حسين=هاي اوّل مصيبه خانت الكوفه و انذبح مندوبه=هاي اوّل مصيبه ويلاه من حط بزرود اظعانه=و جتّه اخباره بوسط الضّمير تلاهبت نيرانه=و دمعه يتجارى ذَبّوا العمايم عزوته و اخوانه=و مقصدها ثاره قام الشهيد و دمعته مصبوبه=هاي اوّل مصيبه يَم اخته راح و عبرته يجريها=و يمسحها بيده قلبه يتلوّى و زفرته يخفيها=و يطلب حميده و ذيك اليتيمه الخيمته رد بيها=بزفره شديده و حب ثغرها و زادت عليه كروبه=هاي اوّل مصيبه باليتم حسّت و انفجر ماي العين=من مسح الايتام جذبتها حسره و عاينت وجه حسين=لن دمعه سجّام صاحت يعمّي والدي مسلم وين=طالت الايام انقطعت اخباره لو وصل مكتوبه=هاي اوّل مصيبه ما رد جواب حسين بس دموعه=خرت من العين و قامت الطفله مروّعه و مفجوعه=تلطم الخدّين ضمها الصدره و مهجته موجوعه=و قلها سطى البين بالكوفه جثة والدك مسحوبه=هاي اوّل مصيبه مفرود ماحد حضر له يشوفه=من هالعشيره تجري دمومه و مهجته ملهوفه=وسط الحفيره من قبل معروفه بغدرها الكوفه=و اعظم كسيره جنازة ابوك من القصر مذبوبه=هاي اوّل مصيبه صاحت لقضّي العمر بويه بنوحك=و اعوفه زادي بوسط الحفيره شلون صارت روحك=بين الأعادي ياهو الحضر يمّك يشد جروحك=ذايب افّادي بسهام فقدك كبدتي مصيوبه=هاي اوّل مصيبه