والله يزهرا اقبور ولدك عنّك اِبعاد=قبر الولد في طوس والوالد ابغداد ياطوس هالقبر الشريف الفيك لا من=قالت إلى المولى الرضا الكافل الضامن كل من يزوره من لهيب النار آمن=نالوا البغيّة والطلب فيهم الحسّاد اِبنك قضى في طوس لكن حصل تغسيل=باب الحوايج شالت النعشه حماميل والله إمام مفترض يعلم التأويل=معذورة الزهرا إلى من لبسة اِسواد اُوياهي امصيبة امصيبتك موسى بن جعفر=فوق الجسر مرمي ثلاثة الله أكبر اُونادى لمنادي كُلّ من راد ايتسفر=يوم اشتفوا منّه رموه ابجسر بغداد الحكم لله يا سلاطين العوالم=ما واحد إلاّ وابتلى منكم ابظالم ماحد طلع منكم اُورد للدار سالم=لَحد يدار العلم قطعوها الوفّاد فحل الفحولة اتضمّنه وادي الغريّين=في طوس بدر لك تسوى اُو بغداد بدرين اُوفي أرض سامرا ولك في كربلا اِحسين=عطشان يتقلب يزهرا فوق لوهاد بارض المدينة للرضا إخت يودها=أرسل إليها اُو سافرت من وطن جدّها من حين جاء ليها خبر خوها اُوخمدها=وطّت لها محمل اُوسوّت للسفر زاد جاني اكتاب امن الرضا خطّه ابيمينه=يمخدرة موسى بن جعفر يا حزينه قبري أنا في طوس ماهو في المدينه=سرعك تعالي لي ابعجل يا بنت لمجاد اُو عزمت على الترحال من أرض المدينه=اُوجاها الجواد ايقول سلمي اعلى ولينا سلمي عليه اِنكان قبلي توصلينه=ما توصلين إلاّ أنا رايح له اُوراد اُو هاللي يزهرا كسر اضلوعك اُو آذاك=هوّه الذي جرّا بني اُميّة على اَبناك اُوخلّه حزنهم للقيامة دوم بحشاك=اُو نغّص عليك امعيشة المشروب والزاد وامخدراتك ركّبوها فوق الكوار=اُوطافتْ على كُل الملا باجميع لمصار من حولها نسوان واطفال كلقمار=حلو الحلي منها يزهرا اُولبست إقياد اُوكلما تدير الطرف تنظر بالقنا الروس=اُولطفال يازهرا هلكتْ من حر لشموس تنظر وليها ابجامعه اُو بقيد محبوس=اُوفي كُل يوم يدا خلّوهم وسطت ابلاد