في طوس يا حيدر ثوى واحد من ابناك=يا نازحاً في طوس حي الله امحياك فرّقت يادهر الخنا عصبة الأمجاد=طيبة حوت لاباء اُو بارض الطفِّ لولاد بارض الغري منهم ما سامر اي اُو بغداد=وأمّا الرضا يا طوس ودّيتيه إلى اهناك مدري اشجنيتوا في دهركم يا هل البيتْ=حتّى رماكم بالبلا وايدي التشتيتْ ويش لك عليهم يا دهر حتّى استوفيتْ=مدري اشجنوا ويّاك حتّى ماخذ اقضاك ولا بلد إلاّ وفيها منهم ارموس=اُومنهم جماعة ابكربلا دفنوا بلا روس ياهي امصيبه امصيبة المسموم في طوس=يانازحا في طوس روحي راحت افداك اُو عميت اعيوني بالبكا الموسى بن جعفر=فوق الجسر مرمي ثلاثة الله اكبر من جثّته دويه يفوح المسك لزفر=والله حسافة يا إمامي ما حضرناك ويلي على اللي عذّب المأمون حاله=كم عاهده باعهود لكن ما وفى له ولا هجع حتّى ردي الذات غاله=مأمون ويش جرم الرضا يانغل ويّاك من حين حس منه الخيانه اكتب اكتاب=لخته العزيزة اُورسله مع بعض لصحاب من جاها خط خوها اُوفي الحال اكرت اركاب=اُوراحت قبرها جدها اُو قالت الله ويّاك واهل المدينة يوم سمعوا الخبر جوها=عن حالها واللي تريده سايلوها شافوا ولن القلب داير صوب اخوها=واتقول للحادي تثور إلى مطاياك ظلّت تجد السير حتّى وصلت قم=سمعت اهلها في العزا تبكي اُو تلطم قالت لتلك الجارية جيبي خبرهم=يا جارية روحي ابعجل وانا برجواك قالت اليها الجارية طوعا اُوسمعا=راحت إلى قم اُورأت أحوال شنعا شافت اهلها في العزى تبكي اُوتنعى=والكل اينادي يا امامي روحي افداك ظلّت تسايل عن عزاهم والمصيبه=واتعرفوها يوم عرفوها غريبه من اي بلدة قالت الهم ارض طيبه=قالوا صلوة الله على اللي ساكن اهناك قالت على من هالبكى كلكم تنوحون=قالوا على المولى الرضا سمّه المأمون صفقت بياديها اُو قالت لا تقولون=والله حسافة يا إمامي ما حضرناك قالت لهم مات الرضا في طوس معلوم=قالوا نعم والدين ركنه صار مهدوم قالت ترى اخته في بلدكم وصلت اليوم=قالوا تقومي بالعزا بانوح ويّاك حين لفتها الجارية ويا الجواري=والنوح منهم مرتفع والدمع جاري قالت تخبري ويش في هالبلد جاري=قالوا لفينا كلنا بانوح ويّاك قالت خليصي مات قالوا نعم ليها=في الحال خرت ووقعت واغشي عليها جابولها النسوان ماء ورشّوا عليها=ماحركوها إلاّ اجنازة اُو ندفنت اهناك اُوماتت ابحسرتها قبل ما وصلت لطوس=ولا تلاقوا غير في جنّة الفردوس قالت اشحالك قال زال الضر والبوس=قالت حمدت اللي جمعنا اليوم ويّاك