يهل المدينة ابشارة يهل المدينة ابشاره=واخيولكم سرجوها يهل المدينة اِبشاره بس ما وعوا بالصيحة واتراكضوا له ابهمه=وولاد هاشم جولة والكل زايد همّه والناس كلها طلعت اُو صارت عليه اللمّه=اُو بشر بن حذلم ينعى اُو يترجّز ابأشعاره يهل المدينة قوموا بالعجل جاء واليكم=خلف البلد فسطاطه وآنا رسوله ليكم وين الشجاع محمّد ما شوف حاضر فيكم=قالوا له يا هذا محمّد مريض اِبداره من حين شال اعضيده اُوبن والده للكوفه=من حسرته واَحزانه يصفق مديم اكفوفه انكان السبط وصلنا بانروح كلنا انشوفه=ياحي من يحضي به اُويحتضي باجواره حن اُوبكى واتزفّر وامدامعه همّاله=اِحسين مارد ليكم جاكم علي واطفاله جاكم علي من والده اُو فاقد جميع اِرجاله=ما قصّرت هالوقعة راح العمد وانصاره روس اخوته وارجاله فوق السمر شالوها=ما قصّرت عدوانه حتّى الخيم حرقوّها اُو نهبوا جميع أمواله حتّى النسا سلبوها=اُو جسمه بقى في الغبرة وحش الفلا زوّاره اُمّ البنين اتسايل من وين هذي الصيحه=اُو بشر بن حذلم جاها وامدامعه مسفوحه ياُمّ البنين اُولادك في كربلا مذبوحه=ماتوا عطاشى اُو بالثرى اُوظلوا بليا امواره صاحت عليه اتنادي وادموعها مهموله=عن كربلا خبروني اُوعن بوالفضل وافعوله فرسان هاللي فزعت عبّاس فيهم لولا=قلها نعم بوفاضل يشعل عليهم ناره قالت عجل ما تعدى عن والده اُوعن أهله=بوه الأسد ما ينتج إلاّ شجاع مثله حزت الشجاعة والظفر والفوز حزته كلّه=يابو الفضل بافعالك سرني بشر باَخباره