يا آل هاشم في المدينة صاح بشّار=مرسول أبو محمّد لفى ليكم بلخبار ينشد اِبغارة يا هلي اُو يجدب الونّه=قوموا انشدوا وابشار واخذوا الخبر منّه ظنّي يتيم اِحسين ليكم راسلنّه=ناح اُونعى اُوسط المدينة ينشد أشعار اقبل إلى قبر النّبي اُو نوح اُونادى=اُو عزا رسول الله في جملة اُولاده في كربلا ابناك ماتوا بالشهاده=ماتوا ابظماهم يا امين اصغار واكبار اُو وقفت ما بين النساء وحده حزينه=قالت يمرسول اليتامى في المدينه عرج على اللي ابحجرته زايد ونينه=يجدب الونّة بالاسف والدمع نثار محزون انا ويزيد حزني سافي الدور=كنها سما لكنها ظلّت بلا ابدور بنذر على رجعة ارجالي اُو عزوتي انذور=تذري على جية ابدورك ليك يا دار حزني على بدر طلع عنّي ولا عاد=يمتى يخويه جيتك توعد ابميعاد ويا ارجالك يا سنادي اُوذيك لولاد=اُو ترجع يخويه اِحسين باهلي اصغار واكبار لفرح لجيتكم يخويه وانصب العيد=وافرح ابجية اخوتي ذيك الصناديد يمتى تجيني اخباركم يابن الاماجيد=واِنظر ضيا وجهك اُومنّه تسطع أنوار انكان ردّت بالحرايب ياسنادي=منكم فلا هي نايلة اسيوف الأعادي لكن خوفي من خبر جدّك الهادي=خوفي عليكم يخوتي حانت الأقدار