قومي يعمّة مقبل الحادي علينا=قومي ابهمّة بالعجل نادي ولينا ويلي عليها اتجاذب الاعدا ارداها=واتحوم من حول الخبا روحي افداها اتحاكي العدو حين العدو شرع خباها=يابن الخنا نسوان لا تدخل علينا نسوان لا تدخل علينا وسط لخيام=لاجيك عبّاس البطل والليث جسام قلها ارجالك يا مصونه بالثرى انيام=لو كان موجودين ما حولك وطينا قالت يسكنة عمّك الضيغم اغدي له=اُوطيحي على راسه اُوصيحي به دخيله لحد يعمّي لا تخليني ذليله=بيقوم عمّك من يسمعك تندبينه اُوقولي ترى احنا مالنا قوّة على الشام=شمس الهواجر تصطلي واحنا بلا اخيام في ذمة الله اُوفي ذمم موفين لذمام=ما خايفين إلاّ العدى تشمت علينا في ذمة الله احنا اُوفي اذممكم يشبّان=اُوذمّة حبيب بن مظاهر عالي الشان لا تتركونا ادخيل ذمّتكم يعدنان=يا غيرة الله بالعجل نغروا علينا قالت يعمه انخاف نتعذب مع القوم=واحنا ولينا امن المرض ما يقدر ايقوم والله يعمه حالنا اقشر اُوميشوم=هذي مصيبة ماجرت إلاّ علينا ادري ابعمّي ما قطع حبل الموده=لكن يعمه إلاّ نقطع بالسيف زنده باروح ابعمّي ما قطع حبل الموده=لكن يعمه إلاّ نقطع بالسيف زنده باروح اله في المعركة اُوباصيح عنده=حاشا على عمّي يخليني رهينه في ذمّة الله اُوذمّة اَصحاب الحميّه=اُوفي ذمّة العبّاس قيدوم السريّه اُوفي ذمّة اللي جابني للغاضريّه=اُوفي ذّمة اللي طلّعنا امن اَرض المدينه