يا مظهر الإسلام يا حيدر الكرّار=جتّك اشكاية امن الحرم يا حامي الجار جتّك اشكاية امن الحرم بويه انهض الها=زينب ذليلة اُوفاقدة جملة أهلها ما للملازم يا علي إلاّ اهلها=واليوم حزاتك تجرد سيف لفقار طبيت بير العلم لى طاعة الهادي=اُوفي طاعة الرحمن وافنيت الأعادي اُوخلّيتهم صرعى على حرِّ الوهادي=ما هالك الأصوات والدخان والنار كم لك وقايع تعتجب منها البريّه=يا منجي العذرا يقيدوم السريّه لكن يحيدر ما وصلت الغاضريّه=اُوشفت العزيز اِحسين واخوانه ولنصار شبّان ماليهم مثيل والملا اشهود=ان عدت الشجعان هم خيرة الموجود وان عد اهل الكرم هم بحره المورود=يا عين صبي لجلهم دمعك النثار لكن يحيدر قدر الباري عليهم=طاحوا على التربان واحزني عليهم اُوحزني لزينب والنسا تبكي عليهم=يا غيرة الله ما لهم حامي ولا جار ليتك رأيت اِحسين وحده ابغير ناصر=تكسر الخاطر وحدته تكسر الخاطر فاقد اخوانه اُو عزوته اُو حوله العساكر=يبكي اخوانه يا علي اُو يبكي الأنصار اُوجاهد لحتّى اعلى الثرى جسمه تقنطر=امن العطش والحر يا علي قلبه تفطر اُوحين وقع حاطت على جسمه العسكر=الكل يريد ايحز راسه يا حمى الجار اُوجاه الشمر واركب على صدره ولا هاب=واحتز راس اِحسين يامن للعلم باب اُوشبّوا العدى النيران يا حيدر بلطناب=اُوفرّت خوات اِحسين يوم شبّوا النار اُو زينب تنادي اِحسين خويه يا شفيّه=حرقوا خيمنا يا غريب الغاضريّه ترضى يبو الشيمة ابها لذلّة عليّه=ماني العزيزة امخدّرة حيدر الكرّار