زينب على الناقة يبو الحملات تنخاك=اِنهض يبو الشيمة اُو خلصها امن اعداك زينب يحيدر ترتجي منّك الجيّه=ويش اخّرك عنها يبو النفس الأبيّه ليتك تراعها بين العدى منسبيه=للشام شالت عن وليها اُوهي ابرجواك ماهي المصونة اللي تربت وسط لخدور=واليوم مسبيّة الرحيم الله على كور إتعاين على العسّال راس اِحسين مشهور=لو مَن سمعها اتنوح صب الدمع سفاك بعد الأساور أصبح اُوأمسي ابقيدي=ياخوي من عض الحبل ورّم اِزنودي يوم انقتل حيدر مضى عنّي سعودي=ذبحوك يا لوالي اُوذبحوا جملة ابناك جبريل من ساير خدمنا في المدينه=اُو لملاك تتبرك ابنزلتهم علينا اُولا حد نظر شخصي من العالم ابعينه=واليوم ادخل مجلس الطاغي الافاك اتمّنيت لاعشنا ولا شفنا بن ازياد=يوم مع الايتام دخلونا بلقياد واضيعتي يحسين شمتت بي الحساد=ترضى يدخلوني المجلس مع يتاماك واتذكرت بالامس جيتها الكوفه=فرسان هاشم حول هودجها تحوفه افي اظلال حيدر صاحب النفس العطوفه=واليوم ضاعت يا علي مابين اعداك