في حالة مصرع الحسين و وداع النساء له ما جرى عند مسيرهم وخطابهم للحواري , وحالتها عند الركوب مطروح في الغبرة يون حامي الظعينه=إشلون نمشي اُو بالترب طايح ولينه يا غبره الله اُوفي الترب طايح الوالي=والروس قدّامي على روس العوالي اُوليتام تتصارخ عن ايميني اُوشمالي=ثكلا ابثكلا تلتجي عبرى حزينه يا ليت لنّي ابحفرة الوالي طريحه=من هالبواكي والمصايب مستريحه يا قوم دفنوني مع الوالي ابضريحه=امشي مع اجناب ما يرضى ولينا امشي واخلي اِحسين مرمي في صعيده=ويش هالهضم يا غبرة الله اعلا عبيده اُوزين لعباد ايحن وامقيد ابقيده=ازياده على يتمه اُوذلّة امقيدينه ما احد عن حر الشمس ينصب له خيمه=اُو سكنة عقب بوها اُو عقب عمها يتيمه وانا يبعدوني عن اُمّي هضيمه=لَحد يهلنا وين غيرتكم علينا اُو سافر ظعنّا والولي مرمي بلا اَظلال=مرمي على الغبرة اُولا له نعش ينشال وانا نحيلة امن المصاب اُو نوح لطفال=كُل تناديني يعمه اِحسين وينه باتودعه ما ريض الحادي بلظعون=حسرا بليا اخدور واطفال ينوحون ناديت حادي الظعن يا حادي على هون=بانواري الاجساد وانواري ولينا والله حسافه يالولي انسافر بلياك=انهض يبو الشيمه اسكينة اليوم تنخاك لتود الحرم لرض المدينة اتروح ويّاك=ما رايحين الشام بانعود المدينه