زينب تنادي ارجالها وادموعها همّاله=ما تحضروا يا رجالي بالخيل والخيّاله جاني المهر يابن اُمّي فريت داهش بالي=وانا ارتجي يابن اُمّي ترجع الي يا لوالي الماء تجيبه لينا وإلاّ المهر جا خالي=شقّيت جيبي يا لولي حين نظرت أحواله اُو ظلّيت أسايل مهرك في وين طاح ابن اُمّي=قال المهر يا زينب بالترب عزك مرمي جيتك وانا من دمه صابغ يزينب جسمي=وسط الحريبه طايح بين اخوته وارجاله يحسين أخويه ترضى عن جثتك طردوني=إلى من صحت يابن اُمّي باسياطهم ضربوني وانته عفير ابدمك تنظر اليك اعيوني=وانا يخويه امن الصبح عنكم ترى شياله يآل هاشم ثوروا واِحسين طلبوا ثاره=قوموا ادركوا المحزونه بين العدى محتاره قوموا دفنوا قتلاكم ظلّت بليا اموارى=يهلي ادركونا ابدوله شيلوا الولي من ارماله حلّت عليكم ذلّة ياذلة الميشومه=هذا العزيز الغالي متخضب بادمومه ماحد لفى له ايقبره من عزوته اُومن قومه=جسمه سليب اُوعاري مرمي ابحر ارماله جاني الشمر وينادي ثوب المذلّة لبسي=ناديت خويه بوالفضل لكن ما سمع حسي وانا يخويه جيتك بارمي عليك ابنفسي=وابذمتك يالوالي عنكم انا شياله