يحسين جيتك للحريبه ابغير رجال=دكعد ينور العين ليه او عاين الحال يحسين بس ما جدّلوا اجسمك بالرغام=هجموا علينه او فرهدونا ابوسط الخيام فرت من الدهشة حرايركم او ليتام=كلمن ينادي و الدمع بالخد همال خفي اعتابج عاد بسج لا تنوحي=ما يفيد عتبج من عكب ما تروح روحي لاجن يزينب كومي المسناة روحي=او عتبي على اللي كطعوا ايمينه و الشمال لاحد ايجيني للشريعه امن النساوين=تدرون بيه امكطعه اشمال و ليمين و انجان منج يا مصونة اتعذر احسين=روحي الى الاكبر علي طاعون الابطال و انه يعمي بضعوا جسمي بالسيوف=مثله بني اميه اكطعوا راسي و الجفوف لو ما ذبحوني جان ما وصلوها بخوف=او لاحد سلب حرمه و لا ارتاعت الاطفال خلها يعمي اتروح للجاسم توقضه=بلكت ترد روح او بيه اتصير نهضه ما ظنتي ابهالحال شبل الحسين يرضى=تمشي الودايع حاسره ما بين لنذال فرت اتنادي و الدمع في الخد مسفوح=في وين جاسم يا خلايق ظل مطروح كالوا يزينب ايسي او بطّلي من النوح=ما ظل عندج من بني عدنان رجال كلهم تركناهم ضحايا فوك الوعار=بشري بعدهم بالسبي و اركوب الكوار ينو كفج في وسطة المجلس اخمار=ويا اليتامى امكتفه باقياد و غلال