ذبحوا عضيده اُوظل في الميدان محتار=يجري ادموعه اُو يشتكي قلة الانصار اِمصيبة غريب الطفِّ ياهي اتشيب الراس=بالخص يوم انه وصل مصرع العبّاس هلّت ادموعه اُولزم باكفوفه على الراس=ويقول يا سبع الحرايب بالثرى انهار نادي ابصوت الذل والأهوال والويل=اُوحنّ اُوتزفّر والدمع من مدمعه ايسيل ظهري كسرته اُو بيرقي يا هوله ايشيل=اُو منهو عقيبك في الحرايب يشعل النار يا شايل الراية يبو نفس الأبيّه=هذا الدرع والسيف حولك يا شفيّه ظهري غدى مكسور والبيرق رميّه=حاطت بي القيمان عن اليمنى واليسار بطل ونينك ذوبت قلبي يصنديد=يا حامي الصيوان يا نسل الأماجيد خليت اخوك اِحسين لا ناصر ولا اعضيد=لاخير في الدّنيا عقب فقدك يمغوار من طحت في التربان يا حامي الظعينه=لطفال ضجت بالبكاء اُوناحت اسكينة اتقلّي يبويه حامي الصيوان وينه=ناده من العركة يجي قلبي اشتعل نار ساقي العطاشا قوم فوق التراب لا تنام=فتح اعيونه اُوقال ما حالك يضرغام ما حال زينب من بعد حالي وليتام=لَحد يخويه قصوا ايميني وليسار انرفو ابو فاضل اُو نادى يا عضيدي=ودي انا انهض والعدى قصت ازنودي من عقب ما راموا الماي اللي ابجودي=قصدي ابسقي للحريم اصغار واكبار الله كاتب يالولي نقضي بلا ماي=نوح اليتامى يا عضيدي فتت احشاي اشبيدي على امر جري ما هو على هواي=ودعتك الله يا سلالة حامي الجار يا ليت عن سيفي فلا قلت يميني=ولا الاعادي فرقوا بينك اُو بيني او سكنة يخويه لا تخليها تجيني=اُو عدتها بالماء ولا جبته يمغوار قله يخويه اظلم الوادي عليّه=يوم شفت جسمك على حر الوطيّه من بعد عينك راح عز الهاشميّه=اُو قلبي من افراقك يخويه يلتهب نار او غمض اعيونه اُوفاضت النفس الشريفه=واِحسين نادى يا ذرا العليا المنيفه بعدك يبو فاضل بقت زينب اسيفه=وانا وحيد ابكربلا ما عندي انصار والقوم بعدك يطلبوا ثارات صفّين=وانا وحيد ابكربلا ما عندي امعين ودعتك الله يا عضدي اُوقرة العين=يا ليت يحضرنا علي حيدر الكرّار