شال الشهيد اِحسين اُو اقبل وهب في الحين=عاين الوادي اُوشاف للاَنهار جارين احتار لمن شاف انهار جريّه=معلوم بالوادي اجتاز ابن الزكيّه لو مر طاها المصطفى لومر وصيّه=ما يصبر هذا الا فعل احد النبيين اقبل إلى الخيمة اُوهو يصفق اكفوفه=ايسايل امه اُودمعته ابخده ذروفه قالت لفانا ابن النّبي قاصد الكوفه=اُوصاك يابني تلحقه يا خير لبنين يا وهب مر الخيمتك ووصا علينا=قولوا لوهب بالعجل يلحقنا اويجينا يابني اَصحابه عن اشماله وعن يمينه=ويّاه نسوه في هوادجهم حزينين قدّام ظعنه يا وهب فارس ضرغام=ايقولون هذا ابن الوصي زرّاق لرخام اِيقولون لك هذا ظعنهم سار قدّام=سايلت عن سلطانهم قالوا لي احسين يا وهب كبدي اتفطرت من ضجت انساه=اُولدري ابهذا النوح والفرسان ويّاه فرسان من حوله عن ايمينه اُويسراه=حول الظعينة يا وهب كُلهم اِمسلحين قلها اعجل يا ولده في داعة الله=الفسطاط اباقشع له اُوباتو كُل على الله بالحق ابو سكنه ايمامي حجة الله=لابد ما اتشوفين جسمي بالثرى اطعين بقشع الخيمة اُوبلحق ابن الهاشمية=عندي خبر بيروح ارض الغاضريّه بالنوم شفت المصطفى خير البريّه=جدّه اُوقال انصر عزيزي اُوقرّة العين