شعراء أهل البيت عليهم السلام - هب البراد

عــــدد الأبـيـات
24
عدد المشاهدات
2001
نــوع القصيدة
فصحى
مــشــــاركـــة مـــن
تاريخ الإضافة
30/09/2009
وقـــت الإضــافــة
2:20 صباحاً

بمناسبة رجوع سماحة الشيخ الجمري إلي أرض الوطن سالما غانما مشافى معافى بعد رحلة علاج طويلة هب البراد ولاح نجمه بتباشير=هبة الوسمي بارحٍ مرتجينه هب وغمرنا بالدفا والتسارير=يازين نبعه في نداه ومعينه البسمة عادت في وجوه الجماهير=يوم الأسد عوّد يباري عرينه وأخضّرت الديرة بورود وأزاهير=يومٍ لفى بثوب السلامة الينه ياما حلاها طلعتة بالتناوير=ضّوى سما البحرين راعي السكينة فجرِ بزغ ماحي لعتم الدياجير=چنه گمر أرباطعش حان حينه حلو الشمايل مستطيب الأسارير=يازين نوره اللي سطع من جبينه نسمة بحر فيض الندى والأعاطير=وكت السحر فايح شذى ياسمينه شربة الظامي في السموم الهواجير=ومگصد الوافد بالخطوب المشينه والله اشتگنا لك مثل لهفة الطير=للوكر عايد سابگنه حنينه أشواگ يعگوبٍ ليوسف بتكثير=وجمرك هوانا نعشگه ومكتوينه ونبعث تحيات الولا بالمفاخير=أبيات معسولة ودرر ناظمينه وگبلة من كرزكان لي ساحل الدير=مطبوعة تزهر في جبينك سخينه ومن بر دارچليب لگصى المعامير=هطلت سحايب دم دموعٍ هتينه والحمد لله ونشكره له التدابير=گرّت الأعين واهتنى وجه نبينه لابد من بعد العسر من مياسير=والله كتب لك بالسلامة تجينه ولنسان ماله من حتوف المگادير=الا اللذي مكتوب وتشوفه عينه ياعمود خيمتنا يا شيخ المغاوير=يا شراع راسي ضاربٍ بالسفينه وانچان تآمرنا فحنّا محاضير=حنّا لك دروع الفدى والحصينه يا بو جميل إرمش وأمّر بتأشير=أمرك فرض ولزوم واجب علينه ناخذ بثارك بالسيوف البواتير=وانزلزل عروش الخنى والضغينه ويوم العريكة بالرماح السماهير=تفديك أرواح ودما يا أبونه يا رايةٍ بيضا ترف تحمل الخير=وحبك ياجمرينا سطى ما نسينه گايد مسيرتنا تحت خطك نسير=حنّا جنودك وأنت عزنا وولينه تمت بعونه تعالى في كرزكان جعفر كتاب 2003/7/17
Testing