ااا (موشّح) ياطليعة غالب امن اعيانها=ثورتك دمك حفظها وصانها بكل عصر يحسين تدوي صرختك=وثبتت الخمسه الاصول ابنهضتك حَيَّرت أهل العقول ابثورتك=اشلون ثوره السيف صار السانها اوگفت وحدك صامد ابوجه الدهر=وضَّحت (توحيد) ربنه للبشر و(العدل) خطيته من دم النحر=و(النبوه) ثبَّتت برهانها وبرهنت أصل (الامامه) بالجهاد=وسجلت خامس أصل أصل (المعاد) هالأصول الخمسه ميزان العباد=وانت يا رابع أصل ميزانها للفروع ابذلت يحسين الوجود=اسجدت عالتربان ما بين الحشود تريد تنطي للبشر معنى السجود=وروحك اتوضَّت ابدم شريانها اشرحت دينك بالعمل مو بالكلام=بالعطش وضَّحت مفهوم الصيام طحت ظامي وشابچه اعليك السهام=وچبدتك يسعر جمر نيرانها والزكا زكّيت بالطف منحرك=انطيت خاتم حين گطعوا خنصرك بالترب يحسين دمك عفرك=وجثتك صار الترب أجفانها بالطفوف اتجسّدت مكه ومنه=جسمك لفرض الحجيج ايبرهنه اعليك طافت بالحرب سمر القنه=انت كعبه والسيوف اركانها أئمرت بالمعروف للمنكر نهيت=وبجهاد الظلم للخالق رضيت للشريعه اوهبت دمك وافتديت=واشرحت بالدم سور قرآنها (لندن – 1994م)