(تجليبة) يا حادي عشر نور ابسمه العصمه=واختارك الباري تاسع اليمه يارحمة الباري وتاسع الأنوار=ياوارث علوم المصطفه المختار يامالك بلاغة جدك الكرار=وانطاك الفصاحه وهيبته وعزمه مثل الحسن چفك بالكرم زاخر=يشع بالتضحيه تاريخك الزاهر مثل حسين ضحيت بگلب صابر=ثلث تيام جسمك ظل مثل جسمه يالحلمك حلم جدك علي السجاد=وبطيب السجايه اتمثل الأجداد للباقر تمثله ابمسلك الارشاد=يا سالك طريق العلم والحكمه محور للكرامه بالنفس واثق=يالوضحت سيرة جعفر الصادق يا صوت العداله وبالعدل ناطق=دستورك شعاع اينور الأمه ياوارث الكاظم بالشيم والزود=حزنك حزن ومصابك يهز الطود يبن الرضا الراضي ابقسمة المعبود=يا رحمة الباري وعالكفر نقمه دنت ليك المنيه وعرَّج المحتوم=فارگت الحياة ابچبدك المسموم حگ اعليك مدمعنه يسيل ادموم=ومصيبتك اعظم واشد كل صدمه مثل حسين جدك يا حليف الهم=صابن چبدك وچبده السهم والسم امهامل چفن عيني اعليك يهمل دم=والدنيه بغيابك موحشه وظلمه الك أقسم وحگ كل قطعه من چبدك=ابمنوال الظليمه ما مثل جدك أنته اتعالج ابروحك چنت وحدك=لچن جدك ابدور اتكوِّرت يمه (لندن – 1996م)