حبُّ الحسين أجنني= لا تلوموني والله لا أنساه ارسم صور للعاطفه ابروح الوفه= عن عابس وعن موقفه خط العشگ بالمعرفه وگلبه اكتفه= ابحب أهل بيت المصطفه يحمل الفكره الهادفه بهاي الصفه= لكربله اتعناها ولفه هذا عابس ظل ينافس للفوارس وينادي حقٌّ مبين= إنَّ الحسين بئس الدُّنيا لولاه بحب ابو السجاد اتصل وحاز الأمل= واتعنه مسرع للأجل عاف الوطن عاف الأهل وللطف وصل= وبثورة حسين انشمل چفه ذب سيفه نزل لمن حمل= جيش العده گباله انذهل وابيقينه حامه دينه ومن يمينه ذب سيفه خاض القتال= بين الرجال لا صارم في يمناه عابس توسط حومته وابهمته= ذل العده وما ذلته نصر المبادئ غايته وبصولته= كثرة عدد ما همته والحب ملك كل مهجته ومن سيرته= تعرف صفاته وشيمته گلبه حازم بالملاحم زوده راسم دستوره خاض الحتوف= بين الصفوف حبُّ العترة أغناه بحب ابو اليمه معتصم روح ابجسم= بالحب حمل أشرف اسم عابس ابثغره المبتسم لاگه الزلم= بايمان وبزود وعزم عن بيّنه وسابق علم خاض الحتم= وبالنصر عمره منختم وابجهاده عن اراده للشهاده خصلها وبالنضال= خاض القتال حتّى ضرِّج بدماه لسوح الحرب عابس طلع ابگلبه انطبع= حب ابو السجاد ابورع ما هاب خصمه ولا خضع ابعزمه اندفع= والعسكر اگباله انجمع وبالتضحيه جسمه‏انصرع ومجده ارتفع= من مصرعه الصوت انسمع هذا نحري ودمي يجري وهذا عمري الضحيته جسمي خضيب= دون الحبيب كي أُقتل دون هواه يا ريب ترجع دنيتي وابصحوتي= أحيا وأرد من موتتي واردود أقدم رگبتي وابحومتي= ابذل حياتي ومهجتي هالحب ضمنلي عزتي وابهمتي= حققلي بالطف ظنتي شنهو رايد دمي شاهد عمري واحد يا وسفه موت الاباة= هو الحياة كلٌّ يمضي لِمُناه أهل العول الواعيه متفانيه= لكشف الحقيقة الساميه اتخوض الحروب الداميه وبالتضحيه= اتحقق منال الأمنيه تنطي الدموم الجاريه مو كافيه= اتضحي النفوس الغاليه من شيمها تنطي دمها وابقيمها تتمسك وعن يقين= دونّ الحسين ما يملك قد أعطاه (لندن 1992م)