يا كرار، بالنفس بايعناك= مهما صار، يا علي أوياك أوياك هالميثاق= بالأعماق اتمسكنه ابحبك يا حيدر= عن تفكير وعن إيمان يا أشرف موجود اتكون= يا أعظم ما بالأكوان أنت الأول أنت الآخر= يا محور نهج القرآن واضح دربك= يا من حبك بحر الجود، مرتفع من يمناك= والمعبود، ما تأيد لولاك هالميثاق= بالأعماق يا حكمة موسى وتوراته= يالذاتك ذات الإنجيل يا وحي الباري وقرآنه= يا مجمل معنى التنزيل حبك ممزوج اويه ادمانه= ويتنقل من جيل لجيل بسمك نلهج= وانته المنهج هذا الصوت، بالضماير ناداك= لحد الموت، يا علي وما عفناك هالميثاق= بالأعماق صوتك لليوم اينادينه= وايخاطب كل الأجيال دنيه ابلا مبدأ مرفوضه= وحب ميفيد ابغير أعمال أنت تريد الوادم تعمل= تتطور من حال لحال أنت المحور= صوتك غير عن تفكير عن علم تابعناك= تريد الخير من احچيت اسمعناك هالميثاق= بالأعماق يا حيدر صوتك يدفعنه= للتحليل وللتفكير خل انطالع مستقبلنه= وانفكر باچر شيصير ليش اتدهور وضع الأمة= خل نكشف وين التقصير للإسلام، كلها نصبت أشراك= يا ضر غام، واحنه تدخل بحماك هالميثاق= بالأعماق دمك يا حيدر ضحيته= رايد تحريك الاحساس ما عندك غايه لمصلحتك= چنت اتفكر بمر الناس واتحملت الطبره براسك= حتى الوادم ترفع رأس ابدم اتضحي= حتى اتصحي بالمحراب، امخضب بفيض ادماك= نورك غاب، وانت نور الأفلاك هالميثاق= بالأعماق ناس النكروا فضلك همه= البعثوا خصمك للمحراب اتعنالك والسيف ابچفه= بصوابك دين الله انصاب من هاليوم وظلت تبدي= لسفك الدم فتحوا أبواب كل اولادك= كل احفادك كثره ادموم، أجرت سيوف اعداك= عالمظلوم، خل تخبرك دنياك هالميثاق= بالأعماق يا حيدر اولادك ضحوا= كل واحد قدم من صوب ذاك اسهام اتشجر نعشه= وهذا بفيض الدم مخضوب چم جمره بگلبك تتلاهب= يا من صبرك صبر ايوب آلام الطف= ما تتوصف بالآلام، هالأرامل تنخالك= والايتام، بالمدامع ترجاك هالميثاق= بالأعماق (لندن 1993 م)