رجوع الحسين بالأكبر زينب وين=جاب حسين باجي ضحايا كربلا رد محتّار=ماله انصار شايل بصدره مدلّله شال الولد و مدامعه مسفوحه يمشي و على صدره تفيض جروحه عايف حياته و بس يجود بروحه مثل السّيل=دمعه يسيل و الكبد منّه موَلوله زينب و ليلى و سكنه تلقّنه بحالة الموتى حالته شافنّه شبله يجر ونّه وُهُو يجر ونّه حن و صاح=الاكبر راح و الموت من بعده حلا طلعن حواسر و السّبط قلبه ذاب و قلها نسيت بطلعتك فقد الشّاب و فرّن بنات المرتضى من الاطناب مدهوشات=مفجوعات و امّه الحزينه معوله تناديه جاوبني يَنور عيوني ردتك ذُخُر بين العدا تخلّيني بقطع الفيافي ياهو اللي يباريني ليش تنام=فوق رغام يَبني عسى بعيد البلا أمّك يَعَقلي ياهو الضل عدها لو طاحت من علَى الجمل يقعدها وحيّد يَوَسفَه و انفقد واحدها مر فرقاك=وين القاك يَبني تركتني منحّله يبني رفعت راسي بفعلك عالي و طحت و تنكّس و انفطر دلاّلي وحدة ابوك حسين دهشت بالي ظل محتار=ماله انصار و اعوانه كلها مجدّله و زينب تنظره و الكبد مجروحه و سكنه تكف دموعه المسفوحه ساعه و لن الولد فاضت روحه و لجل الدّين=صار حسين تالي ضحايا كربلا