انت الامل يبني هالصاب راسك يالولد بالكبد ذوّبني دنياي يَبني اتكدّرت و الدّهر حاربني و انت الأمل يَبني أنت البجيّه من هلك يا قرّة عيوني مفرود ما بين العدا يَبني تخلّوني جسمك أشيله و رادتي أنتو تشيلوني أكبر يَغُصن البان=يا شمعة الشبّان بس لا تجرها ونّتك يالولد تشعبني و انت الأمل يَبني صوابك تراهو بمهجتي و خلّى القلب دامي عايف حياتي يالولد و تقضّت ايّامي كلكم جفيتوني و ظلّت خاليه خيامي تنعى الحرم بيها=و ياهو اليصاليها يوليدي من قبل المشيب الحزن شيّبني و انت الأمل يَبني لفّه يويلي اببّردته و يَم الخيَم شاله يخفي نحيبه و نشّف دموعه الهمّاله يتفكّر و يحسب حساب الضجّة عياله يمسح دمع عينه=لا تشوفه سكينه ينادي يَشبه المصطفى بعت السّهم منّي و انت الأمل يَبني بس ما قرب يَم الخيَم زينب تلقّتّه و منّه خذَت جثّة علي الاكبر و مدّتّه و ردّت لخواه تساعده و بالنّحر حبّتّه تقلّه ينور العين=بيك الخلف يحسين و صدّت لبن خيها تقلّه اقعد و جاوبني و انت الأمل يَبني الله يَليلى من لفت يا عظم لوعتها تصوّر و شوف على العزيز شلون شبحتها بدهشه هوت و تمرّغت بدموم مهجتها تقلّه يلُب حشاي=دنتبه و احكي وياي جيت بذراك و ظل ابيّك لا تسيّبني و انت الأمل يَبني من راح ابوك المعركه قلت الوحيّد طاح أحّا يَلوعات الولد غاية شبابه و راح ما يطفي نيران القلب يا خلق صفق الرّاح ما يفيد كثر النّوح=روحي عساها تروح بعدك حياتي يالوَلد والله ما تعجبني و انت الأمل يَبني