الحسين على مصرعه ليث الغاب=راسه انصاب بالعمد يَم المشرعه ظل ممدود=بس يجود منّه الكفوف مقطّعه يَم النهر يحسين طايح عبّاس من عقب ما حاز الفخر و النّوماس يمخدرة حامي الحما هبطي الرّاس حصنك طاح=عزّك راح بعده بقيت مضيّعه طفّح شبل حيدر على الملزومه و شاف القمر غارق ببّحر دمومه نادى عليه و دمعته مسجومه صرت وحيد=مالي عضيد و عيالي كلها مروّعه هوّنت خويه مصيبتي باخواني يا طودنا الشّامخ المالك ثاني و بطيحتك شمتت عَلَي عدواني شوف القوم=كم صمصوم تزحف عليّه مشرّعه عين العدو نامت و امّن خوفه و عين الوديعه ساهره و مطروفه زينب لَوَن جسمك يخويه تشوفه جرح الرّاس=يا عبّاس تنظر وجثّه مبضّعه من سمع طاريها سكبها دموعه ظل يوِن و اتحنّت عليها ضلوعه و صاح الاسف بعدي تظل مفجوعه خويه شلون=تبقى بهُون و بهالعيال ملوّعه شال السّبط راسه و حطّه بحجره و ردّه ثلث مرّات فوق الغبرا و قلّه تصبّر يا عزيز الزّهرا خويه حسين=سهم العين بهداي اريد اتطلّعه شال السّهم و تقاصرت ونّاته و غمّض و قلبه وقّفت دقّاته و حسين جر ونّه و صفق راحاته ذاب حشاه=من سجّاه و احنى عليه يودّعه