جواب الحسين
صدّت ولَن تسمع ونينه
يقلها يَزينب يا حزينه
يَختي قضينا اللي علينا
و هالنّوب حملج تحملينه
و اتكفّلي يختي الظّعينه
و مرّوا بعد لازم علينا
و خلّي تجي يمّي سكينه
عندي وصايا الها ثمينه
و لمّن لفت ذيج الحزينه
قلها كلامي تسمعينه
إذا من رجعتي للمدينه
و شفتي موالي تعرفينه
لازم سلامي اتبلّغينه
خبريه بالجاري علينا
و قولي أبويه ذابحينه
فوق التراب امعفّرينه
جسمه على الغبرا رهينه
وبالخيل صدره امرضّضينه
و راسه ابخطّي شايلينه
بوداعة الله يا سكينه